MATUSALEM

[lagmit, Tawo sa Udyong].

Anak nga lalaki sa matinumanong manalagna nga si Enoc; amahan ni Lamek ug apohan ni Noe. (Gen 5:21-29; 1Cr 1:1-4; Jud 14, 15) Kay kaliwat ni Adan pinaagi kang Set, si Matusalem mao ang ikawalo nga kaliwatan sa tawo. (Luc 3:​37, 38) Ang gitas-on sa iyang kinabuhi miabot ug 969 ka tuig, ang kinatas-an diha sa rekord sa Bibliya, ug siya ang nahimong sanglitanan sa kataas ug kinabuhi. Siya namatay niadtong 2370 W.K.P., ang tuig nga nagsugod ang Lunop. Apan ang Kasulatan nag-ingon nga si Matusalem “namatay,” hinuon kini nga kamatayon dili maoy tungod sa Lunop ingong resulta sa paglaglag sa Diyos.​—Gen 5:27; tan-awa ang GITAS-ON SA KINABUHI.