NOBA

1. [gikan sa lintunganayng berbo nga nagkahulogang “paghot”].

Usa ka Israelinhon, lagmit sa tribo ni Manases, nga nag-ilog sa Kenat ug sa mga lungsod nga sakop niini. Human niadto iyang ginganlan ang siyudad sumala sa iyang ngalan.​—Num 32:42.

2. Usa ka siyudad sa S sa Jordan nga nailog ni Noba. (Num 32:​39, 42) Dayag nga ang ngalang Noba wala magpabilin, sanglit sa ulahi kini gitawag sa orihinal nga ngalan niini nga Kenat. (1Cr 2:23) Ang mga kagun-oban sa Qanawat, mga 90 km (60 mi) sa HHS sa Damasco sagad nga gituohang mao ang karaang nahimutangan niini.

3. Usa ka dapit nga nahimutang sa S sa Jordan ug duol sa Jogbeha sa Gad. (Num 32:​34, 35; Huk 8:11) Ang tinong nahimutangan niini wala mahibaloi karong adlawa.