KENAT

Usa ka dapit sa S sa Jordan nga nailog ni Noba, lagmit nga usa ka Manasesnon, nga human niadto nagtawag niini sumala sa iyang ngalan. (Num 32:42) Apan lagmit nga ang ngalang “Noba” wala magpabilin, kay sa ulahi ang “Kenat” gitaho nga nailog sa Gesur ug Sirya. (1Cr 2:23) Sa ulahi ginganlag Canatha, usa kini sa napulo ka orihinal nga mga siyudad sa Decapolis. Ang Kenat gituohang mao ang mga kagun-oban sa Qanawat, mga 90 km (60 mi) sa HHS sa Damasco ug 7 km (4.5 mi) sa AK sa modernong Soueida.