FEATURE
Sayong Bahin sa Tawhanong Kinabuhi ni Jesus
ANG rekord sa Bibliya sa sayong bahin sa tawhanong kinabuhi ni Jesus maoy mubo apan espesipiko. Dili kini hinanduraw nga estorya kondili maoy makasaysayanhong kamatuoran. Kini naglakip sa mga dapit nga mahimong duawon bisan karon—Betlehem, Ehipto, Nasaret, ug Jerusalem. Ang pagpetsa sa Bibliya ug ang pagpatin-aw sa mga hitabo naglangkit sa prominenteng mga tawo sama kang Cesar Agusto, Gobernador Quirinio, Haring Herodes nga Bantogan, ug Arquelao—silang tanan nailhan diha sa sekular nga kasaysayan.
Hulagway sa Betlehem, diin natawo si Jesus.
Usa ka drowing nga naglarawan sa mga panghitabo sa pagkatawo ni Jesus
Usa ka modelo sa palasyo ni Herodes nga Bantogan, nga karon gidispley sa Jerusalem. Si Haring Herodes mao ang misulay sa pagpapatay sa batang si Jesus
Usa ka bronseng sensilyo ni Arquelao. Sa dihang nadunggan ni Jose nga si Arquelao maoy nagmando sa Judea, iyang gipapuyo ang iyang pamilya sa gawas sa hurisdiksiyon ni Arquelao, didto sa Nasaret
Bronseng sensilyo nga gipagama ni Herodes nga Bantogan ug nagbaton sa iyang ngalan
Usa ka modelo sa gitukod pag-usab nga dapit sa templo nga lagmit maoy dagway sa templo sa unang-siglong Jerusalem
Sa nag-edad ug 12 anyos, si Jesus didto sa templo sa Jerusalem, naglingkod taliwala sa mga magtutudlo ug nagpatalinghog kanila ug nangutana kanila
Ingong batan-ong lalaki sa Nasaret, si Jesus namanday ubos sa pagdumala sa iyang amaama
En Nasira (Nazerat) sa Galilea, ang posibleng dapit sa karaang Nasaret, diin nagdako si Jesus