REHUM

1. Usa niadtong nag-una sa listahan sa mga destiyero nga namalik sa Jerusalem gikan sa Babilonya kauban ni Zorobabel ug Jesua. (Esd 2:​1, 2) Ang iyang ngalan giespeling nga Nehum sa Nehemias 7:7.

2. Usa ka saserdoteng gitala nga lakip niadtong namalik kauban ni Zorobabel. (Neh 12:​1, 3) Ang yanong pagbalhin sa Hebreohanong mga karakter maghimo kaniya nga mao ang gitawag ug Harim diha sa Nehemias 12:15 ug sa ubang teksto.​—Tan-awa ang HARIM Num. 1.

3. Ang “pangulong opisyal sa kagamhanan” (sa Imperyo sa Persia) nga lagmit mipuyo sa Samaria ug kinsa nanguna sa pagsulat kang Haring Artajerjes nga bakak nga nagsumbong sa mga Hudiyo labot sa ilang mga katuyoan sa pagtukod pag-usab sa Jerusalem. Ang tubag sa imperyo nagsugo kang Rehum ug sa iyang mga kauban sa pag-adto sa Jerusalem ug ipugos ang pagpahunong sa buluhaton sa mga Hudiyo sa pagtukod pag-usab. (Esd 4:8-24) Apan, wala magdugay human niadto si Haggeo ug Zacarias nagdasig sa mga Hudiyo nga ipadayon ang ilang pagtukod pag-usab, nga gipalig-on sa kataposan pinaagi sa pagrepaso sa orihinal nga mando ni Ciro didto sa Persia.​—Esd 5:1–​6:13.

4. Usa ka Levihanong anak nga lalaki ni Bani nga naghimog pagpang-ayo sa paril sa Jerusalem.​—Neh 3:17.

5. Ang pangulo sa usa ka banay human sa yugto sa pagkadestiyero kansang hawas, kon dili man siya mismo, nagpamatuod sa pakigsaad sa pagkamatinumanon sa panahon sa pagkagobernador ni Nehemias.​—Neh 10:​1, 14, 25.