RUDA

[Gr., peʹga·non].

Ang komon nga ruda (Ruta graveolens) maoy usa ka matang sa isog ug baho nga tanom nga dugayng mamatay ug ang balhiboong mga lindog niini moabot ug mga 1 m (3 p) ang gitas-on. Abohon-berde ang mga dahon niini ug may mga pungpong sa dalag nga mga bulak. Sa panahon sa yutan-ong ministeryo ni Jesus ang ruda lagmit nga gitanom sa Palestina aron gamiton ingong tambal ug ingong panimpla sa pagkaon.

Kini nga tanom gihisgotan diha lamang sa Lucas 11:42 mahitungod sa estriktong pagsunod sa mga Pariseo sa paghatag ug ikapulo. Imbes nga “ruda,” ang samang asoy sa Mateo 23:23 naghisgot sa “eneldo,” sama sa makita diha sa usa ka manuskrito (P⁴⁵) sa ikatulong siglo sa Lucas 11:42.