SAARAIM

[Duha ka Ganghaan].

1. Usa ka siyudad sa Juda diha sa Sepela. (Jos 15:​20, 33, 36) Human pildiha ni David si Goliat ug tungod sa paggukod sa mga Israelinhon, ang namatay nga mga Filistehanon nagkatag gikan sa ‘Saaraim hangtod sa Gat ug Ekron.’ (1Sa 17:52) Ang Saaraim nahimutang duol sa “ubos nga patag sa Elah” (ang es-Sant [ʽEmeq ha-ʼEla]) ug Azeka (Tell Zakariyeh [Tel ʽAzeqa]). (Jos 15:35; 1Sa 17:​1, 2) Wala matino ang espesipikong nahimutangan niini.

2. Usa ka siyudad sa Simeon. (1Cr 4:​24, 31) Lagmit mao ra usab kini ang Silhim (Jos 15:32) ug Saruhen. (Jos 19:6) Gituohan nga lagmit mao kini ang Tell el-Farʽah (Tel Sharuhen), mga 35 km (22 mi) sa K sa Beer-seba.