SAMGAR

Usa ka manluluwas sa Israel tali sa panahon sa pagkamaghuhukom ni Ehud ug Barak. Usa lamang ka bayanihong buhat ni Samgar ang gitala, ang pagpatay sa 600 ka Filistehanon pinaagi sa usa ka igtutugsok sa baka, apan tungod niana gipasidunggan siya sa ‘pagluwas sa Israel.’ (Huk 3:31) Sumala kang Josephus, si Samgar namatay sa iyang unang tuig sa pagkamaghuhukom. (Jewish Antiquities, V, 197 [iv, 3]) Ang iyang pagkahimong “anak ni Anat” lagmit nagpasabot nga siya naggikan sa Neptalihanong siyudad sa Bet-anat.​—Huk 1:33.