SECANIAS

[Pinuy-anan ni Jehova].

1. Usa ka kaliwat ni Aaron kansang balay o banay sa amahan gipili pinaagig ripa ingong ika-10 sa 24 ka dibisyon sa mga saserdote nga giorganisar ni David.​—1Cr 24:1-3, 7, 11.

2. Usa siya niadtong mga gisaligan nga matino ang patas nga pag-apod-apod sa mga ikapulo ug sa ubang mga amot diha sa mga siyudad sa mga saserdote sa panahon sa paghari ni Ezequias.​—2Cr 31:​12, 15.

3. Usa ka saserdote nga mipauli sa Jerusalem kauban ni Zorobabel.​—Neh 12:​1, 3, 7; tan-awa ang SEBANIAS Num. 2.

4. Usa ka balay o banay sa amahan nga naghawas sa usa ka grupo nga mipauli kauban ni Esdras niadtong 468 W.K.P.​—Esd 8:​1, 3.

5. Pangulo sa banay sa amahan ni Zatu, diin 300 ka lalaki nga sakop niini nga banay ang mipauli kauban ni Esdras; anak nga lalaki ni Jahaziel.​—Esd 8:​1, 5.

6. Ang “anak nga lalaki ni Jehiel sa mga anak ni Elam” nga misugyot kang Esdras sa paghimog pakigsaad, ug pinaagi niini kadtong didto sa napasig-uling Juda nga may langyawng mga asawa miboluntaryo sa pagpapahawa kanila.​—Esd 10:2-4.

7. Amahan sa Semaias nga naghimog pagpang-ayo sa paril sa Jerusalem.​—Neh 3:29.

8. Ugangang lalaki ni Tobias nga Ammonhanon; anak ni Ara.​—Neh 4:3; 6:​17, 18.

9. Usa ka kaliwat ni David nga nabuhi human sa pagkadestiyero sa Babilonya.​—1Cr 3:​5, 9, 10, 21, 22.