JEHIEL

[Hinaot Siya Mabuhi, Oh Diyos!].

1. Usa ka Levihanon sa ikaduhang dibisyon sa mga maghohoni nga miduyog sa arka sa pakigsaad gikan sa balay ni Obed-edom paingon sa Jerusalem. (1Cr 15:​17, 18, 20, 25, 28) Human niadto, si Jehiel ug ang uban pa gitudlo sa pagpatokar sa gawas sa tolda nga gibutangan sa Arka.​—1Cr 16:​1, 4-6.

2. Usa ka Levihanon nga kaliwat ni Gerson pinaagi kang Ladan; usa ka “pangulo.” (1Cr 23:6-8) Sa hapit nang matapos ang paghari ni David, si Jehiel(i) ug ang iyang mga anak nga lalaki (o ang balay sa amahan nga ginganlan pinaagi sa iyang ngalan) mao ang nagdumala sa tipiganan ug bahandi nga iya sa balay sa pagsimba kang Jehova.​—1Cr 26:​21, 22; 29:8.

3. Tig-atiman, tingali usa ka instruktor, sa mga anak nga lalaki ni David; usa ka anak nga lalaki o kaliwat ni Hakmoni.​—1Cr 27:32.

4. Usa ka anak nga lalaki ni Haring Jehosapat. Si Jehiel ug ang iyang mga igsoong lalaki nakadawat ug mga gasa nga mga bahandi ug mga siyudad gikan sa ilang amahan, apan ang pagkahari nahiadto sa ilang kinamagulangan nga si Jehoram. Ugaling, human mamatay si Jehosapat, kining tanang managsoon gipamatay ni Jehoram.​—2Cr 21:1-4, 12, 13.

5. Usa ka Levihanon nga mitabang sa paglabay sa mahugaw nga mga butang nga gipanghanaw ni Haring Ezequias gikan sa templo; kaliwat ni Heman. (2Cr 29:​12, 14-19) Lagmit mao ra ang Num. 6.

6. Usa ka komisyonado nga Levihanon nga gitudlo nga motabang sa pagdumala sa dagayang mga amot nga gidala sa katawhan ngadto sa templo sa panahon sa paghari ni Ezequias. (2Cr 31:​12, 13) Lagmit mao ra ang Num. 5.

7. Usa sa tulo ka “pangulo sa balay sa matuod nga Diyos” nga mihatag ug dagayang amot nga mga hayop nga ihalad alang sa dakong pagsaulog ni Haring Josias sa Paskuwa.​—2Cr 35:8.

8. Usa ka membro sa balay sa amahan ni Joab kansang anak nga lalaki nga si Abdias mibalik sa Jerusalem uban kang Esdras.​—Esd 8:​1, 9.

9. Usa ka tawo kansang anak nga lalaki miadmitir kang Esdras sa dakong kasaypanan sa katawhan sa pagkuhag langyawng mga asawa; kaliwat ni Elam. (Esd 10:2) Ang Jehiel sa Esdras 10:​26, nga gilakip sa talaan niadtong kinsa nagpapahawa sa ilang langyawng mga asawa ug mga anak (Esd 10:44), lagmit mao ra nga tawo, o kaha laing kaliwat ni Elam.

10. Usa sa mga saserdote nga mikuhag langyawng mga asawa apan nagpapahawa kanila.​—Esd 10:​21, 44.