SIMRON

1. [Tunokong Tanom].

Usa ka anak nga lalaki ni Isacar. (Gen 46:13; 1Cr 7:1) Lakip siya sa “mga anak nga lalaki ni Israel nga miadto sa Ehipto.” Ang iyang mga kaliwat, ang mga Simronhon, maoy lakip sa mga banay ni Isacar.​—Gen 46:8; Num 26:​23, 24.

2. [Gikan sa lintunganayng pulong nga nagkahulogang “bantay”]. Usa ka lungsod kansang hari miduyog sa panag-abin sa mga Canaanhon nga nagpuyo sa amihanan kinsa gipildi ni Josue didto sa katubigan sa Merom. (Jos 11:​1, 5, 8; 12:20; tan-awa ang SIMRON-MERON.) Ang Simron gilakip sa tribonhong pahat ni Zabulon. (Jos 19:​10, 15) Gituohan nga kini mao ang Khirbet Sammuniyeh (Tel Shimron), mga 8 km (5 mi) sa K sa Nasaret.