SUNEM

Usa ka siyudad sa teritoryo sa Isacar (Jos 19:​17, 18) ug dili halayo gikan sa Jezreel ug sa Bukid sa Gilboa. (1Sa 28:4) Ang Sunem gituohan nga mao ang modernong Sulam (Sunem), nga anaa sa HK nga bakilid sa Jebel Dahi (Givʽat Ha-More) ug nag-umbaw sa Walog sa Jezreel. Ang dapit nahimutang mga 5 km (3 mi) sa A sa biniyaang balangay sa Zerʽin (Tel Yizreʽel) ug mga 8 km (5 mi) sa A sa kasadpang tumoy sa Bukid sa Gilboa.

Didto sa Sunem nga ang mga Filistehanon nagkampo sa wala pa ang gubat nga miresulta sa kamatayon ni Haring Saul. (1Sa 28:4) Naggikan sa Sunem ang matahom nga si Abisag (“nga Sunaminhon”) kinsa nag-atiman sa tigulang nga si Haring David (1Ha 1:​3, 4), ug sa ulahi, ang manalagnang si Eliseo sagad mag-abtanan sa balay sa usa ka maabiabihong magtiayon didto.​—2Ha 4:8.