ESPONGHA

Ang kusog mosuhop, hunit, maunat-unat nga kalabera sa usa ka hayop sa dagat nga kasagarang makaplagan sa katubigan sa sidlakang Dagat Mediteranyo ug sa ubang mga dapit. Ang mga espongha lagmit mabatonan (niadtong unang panahon sama karong adlawa) sa mga tigsalom nga manomanong magkuha niini gikan sa mga bato sa ilawom sa katubigan. Human kini nga hayop mamatay ug madunot sulod sa kalabera niini, ang espongha hugasan pag-ayo hangtod nga ang kalabera na lang ang mahibilin.

Tungod kay kini kusog mosuhop ug mopagawas ug mga likido, kini himalitan kaayo sa karaang kapanahonan. Samtang si Jesu-Kristo gibitay diha sa estaka sa pagsakit, siya gihatagan ug aslom nga bino nga gipatuhop sa usa ka espongha nga gibutang sa tumoy sa usa ka tangbo.​—Mat 27:48; Mar 15:36; Ju 19:29.