TEMA

1. Usa sa mga anak nga lalaki ni Ismael.​—Gen 25:​13-15; 1Cr 1:​29, 30.

2. Mao ang modernong Taima, usa ka tubigang dapit nga nahimutang mga 400 km (250 mi) sa HS sa Ezion-geber, diin magtagbo ang duha ka pangunang mga ruta sa nagapanawng mga panon. (Job 6:19) Ang Tema, uban sa silingan nga Dedan, gihisgotan sa mga tagna ni Isaias (21:​13, 14) ug Jeremias (25:15-23). Niining ulahing tagna, ang Tema espesipikong ginganlan ingong lakip sa mga dapit kansang molupyo mapugos sa pag-inom sa “kopa sa bino sa kaaligutgot” ni Jehova. Ang Babilonyanhon nga si Haring Nabonido mopatim-awng nagtukod sa iyang ikaduhang kaulohan didto sa Tema, nga nagbilin kang Belsazar sa Babilonya ingong tagdumala samtang siya wala didto.