Tinuig nga Miting—Oktubre 7, 1989

ANG TINUIG NGA MITING sa mga membro sa Watch Tower Bible and Tract Society of Pennsylvania pagahimoon sa Oktubre 7, 1989, sa Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ang pasiunang miting sa mga membro lamang himoon sa alas 9:30 s.b., nga sundan sa katibuk-ang tinuig nga miting sa alas 10:00 s.b.

Ang mga membro sa Korporasyon angay magpahibalo sa Opisina sa Sekretaryo karon sa bisan unsang kausaban sa ilang mga adres sa sulat sa miaging tuig aron ang regular nga mga sulat sa pahibalo ug proxies makaabot kanila dili dugay tapos sa Agosto 15.

Ang proxies, nga ipadala ngadto sa mga membro uban sa pahibalo sa tinuig nga miting, angay ibalik aron makaabot sa Opisina sa Sekretaryo sa Sosyedad nga dili malapas sa Septiyembre 1. Ang matag membro angay magkompleto ug magbalik dayon sa iyang proxy, nga magasulti kon kaha siya motambong sa miting o dili. Ang impormasyon nga ihatag bahin sa matag proxy kinahanglang tino niining puntoha, sanglit kini ang saligan sa pagtino kon kinsay motambong sa personal.

Gidahom nga ang tibuok sesyon, apil ang pormal nga miting pamatigayon ug mga taho, matapos sa pagka ala 1:00 s.h. o dili dugay tapos niana. Walay sesyon sa hapon. Tungod sa limitadong lugar, ang pagpasulod maoy pinaagig tiket lamang. Walay himoon nga kahikayan sa pagkonektar sa tinuig nga miting pinaagig mga linya sa telepono ngadto sa ubang mga dapit.