Tinuig nga Tigom—Oktubre 6, 1990

ANG TINUIG NGA TIGOM sa mga membro sa Watch Tower Bible and Tract Society of Pennsylvania himoon sa Oktubre 6, 1990, sa Tigomanan sa Asembliya sa mga Saksi ni Jehova, 2932 Kennedy Boulevard, Jersey City, New Jersey. Ang pasiunang tigom para sa mga membro lamang maoy sa alas 9:30 s.b., nga pagasundan sa katibuk-ang tinuig nga tigom sa alas 10:00 s.b.

Ang mga membro sa Korporasyon kinahanglang magpahibalo sa Opisina sa Sekretaryo karon sa mga kausaban sa ilang direksiyon sa puy-anan sa miaging tuig aron ang regular nga mga sulat-pahibalo ug mga proxy makaabot kanila tapos dayon sa Agosto 15.

Ang mga proxy, nga ipadala sa mga membro uban ang pahibalo sa tinuig nga tigom, igabalik nga makaabot sa Opisina sa Sekretaryo sa Sosyedad nga dili maulahi sa Septiyembre 1. Kada membro kinahanglang magkompleto ug magbalik sa iyang proxy sa walay langan, nga magpahayag kon siya makatambong sa tigom sa personal o dili. Ang impormasyon sa matag proxy kinahanglang tino niining puntoha, kay kini mao ang saligan sa pagtino kon kinsa ang motambong sa personal.

Gidahom nga sa tibuok nga sesyon, lakip na ang pormal nga tigom pamatigayon ug mga taho, matapos sa ala 1:00 s.h. o lapas niana. Walay sesyon sa hapon. Tungod sa limitado nga lugar, ang pagsulod maoy pinaagig tiket lamang. Walay kahikayan nga himoon sa pagkonektar sa tinuig nga tigom pinaagig linya sa telepono sa ubang lugar.