Tinuig nga Tigom—Oktubre 5, 1991

ANG TINUIG NGA TIGOM sa mga membro sa Watch Tower Bible and Tract Society of Pennsylvania pagahimoon sa Oktubre 5, 1991, sa Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ang pasiunang tigom sa mga ­membro lamang pagahimoon sa 9:30 s.b., nga sundan sa katibuk-ang tinuig nga tigom sa 10:00 s.b.

Ang mga membro sa Korporasyon angay magpahibalo na karon sa Opisina sa Sekretaryo sa bisan unsang kausaban sa ilang mga adres sa sulat sulod sa miaging tuig aron ang regular nga mga sulat pahibalo ug mga proxy makaabot kanila dili dugay tapos sa Agosto 1.

Ang mga proxy, nga igapadala ngadto sa mga membro uban sa pahibalo sa tinuig nga tigom, kinahanglang ibalik aron makaabot sa Opisina sa Sekretaryo sa Sosyedad nga dili maulahi sa Agosto 15. Ang matag membro angay magkompleto ug magbalik dayon sa iyang proxy, nga magapahayag kon kaha siya makaadto sa personal sa tigom o dili. Ang impormasyon nga ihatag diha sa matag proxy angay nga tino niining puntoha, sanglit kini saligan sa pagtino kon kinsay presente sa personal.

Gidahom nga ang enterong sesyon, apil ang pormal nga tigom pamatigayon ug mga taho, pagataposon sa pagka 1:00 s.h. o lapas nianag diyutay. Walay sesyon sa hapon. Tungod sa limitadong lugar, ang pagpasulod maoy pinaagi lamang sa tiket. Walay kahikayan sa pagkonektar sa tinuig nga tigom pinaagi sa mga linya sa telepono ngadto sa ubang awditoryum.