Ilang Gibuhat Kon Unsay Ilang Mahimo

Bisan dili makaarang sa pagbayad kang Jehova alang sa iyang tanang kaayohan kanila, daghan ang nagbuhat kutob sa ilang mahimo sa pagsuportar sa tibuok kalibotang pagwali nga buluhaton sa iyang mga Saksi. (Mateo 24:14; itandi sa Marcos 14:3-9.) Makaiikag labot niini mao kining sulat gikan sa usa ka pamilya sa Minnesota, U.S.A.:

“Minahal nga mga Igsoon,

“Kami nagapadala ug donasyon sa kantidad nga $——. Kami nagahangyo nga kini pagagamiton alang sa galastohan sa tibuok kalibotang buluhaton o ikapadapat sa Pundo sa Pagtukod sa Kingdom Hall, o sa bisan haing panginahanglan sa organisasyon. . . .

“Kami masaligon nga kining salapi pagagamiton nga uyon sa kabubut-on [ni Jehova.] Buot namong pahimuslan kining higayon sa pagtanyag sa among pagdasig sa pagpadayon sa maayong buhat, ug ilabina salamat kaninyo alang sa videotape sa tibuok kalibotang kalihokan sa Sosyedad [Watch Tower]. Kining maong tape ang nakapaamgo kanamo sa kadako sa buluhaton, ug nakapatisok kanamong tanan nga ang among boluntaryong donasyon gikinahanglan. Kaniadto, gipasagdahan lang namo ang kongregasyon, sirkito, ug distrito sa pag-atiman sa pagpadalag mga donasyon kaninyo, apan karon kami mapasalamaton kang Jehova sa iyang pagkamapailobon kanamo sa among mubong mga panlantaw ug sa pagkamahigugmaon nagpakita kanamo sa panginahanglan sa among personal nga hinabang sa galastohan niining nagaluwas kinabuhing buluhaton, nga dugang pa sa laing porma sa mga donasyon. Kami nagkauyon sa pagpadala, ingong usa ka pamilya, sa labing gamay nga $—— matag bulan . . . direkta sa New York.

“Sa makausa pa, salamat kaninyo sa maayong pag-alagad nga inyong nahimo kanamo ug sa pagkamatinumanon kang Jehova nga inyong gipakita.”