Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • w14 5/1 p. 16
  • Tubag sa mga Pangutana Bahin sa Bibliya

Walay video nga available.

Sorry, dunay problema sa pag-load sa video

  • Tubag sa mga Pangutana Bahin sa Bibliya
  • Ang Bantayanang Torre Nagapahayag sa Gingharian ni Jehova—2014
  • Susamang Materyal
  • Nganong Gitugotan sa Diyos ang Pagkadaotan ug Pag-antos?
    Maayong Balita Gikan sa Diyos!
  • Nganong Gitugotan sa Diyos ang Pagkadaotan ug Pag-antos?
    Ang Bantayanang Torre Nagapahayag sa Gingharian ni Jehova—2011
  • Kinsa ba Gayod ang Nagmando sa Kalibotan?
    Kinsa ba Gayod ang Nagmando sa Kalibotan?
  • Nganong Daghan Kaayo ang Pag-antos?
    Unsay Gitudlo Kanato sa Bibliya?
Uban Pa
Ang Bantayanang Torre Nagapahayag sa Gingharian ni Jehova—2014
w14 5/1 p. 16

TUBAG SA MGA PANGUTANA BAHIN SA BIBLIYA

Kinsa ba gyod ang nagmando sa kalibotan?

Gubat, krimen, kapintasan, ug trahedya

Kon ang Diyos maoy nagmando niining kalibotana, mapuno kaha ang yuta sa pag-antos?

Daghan ang nagtuo nga ang matuod nga Diyos maoy nagmando sa kalibotan. Apan kon tinuod kana, nganong ang yuta puno man sa pag-antos? (Deuteronomio 32:4, 5) Sumala sa Bibliya, ang kalibotan gikontrolar sa usa nga daotan.—Basaha ang 1 Juan 5:19.

Sa unsang paagi ang katawhan nailalom sa kontrol sa usa nga daotan? Sa sinugdan sa kasaysayan sa tawo, usa ka anghel ang mirebelde sa Diyos ug naghaylo sa unang magtiayon sa pagrebelde usab. (Genesis 3:1-6) Ang magtiayon misunod sa rebeldeng anghel nga si Satanas, nga nagpili kaniya ingong ilang magmamando. Ang Labing Gamhanang Diyos lang ang may katungod ingong Magmamando. Apan gusto niyang pilion siya sa mga tawo ingong magmamando tungod sa ilang gugma kaniya. (Deuteronomio 6:6; 30:16, 19) Ikasubo, daghan ang nalimbongan sa paghimog sayop nga pagpili sama sa gihimo ni Adan ug Eva.—Basaha ang Pinadayag 12:9.

Kinsay mosulbad sa mga problema sa katawhan?

Tugotan ba sa Diyos nga magpadayon si Satanas sa iyang daotang pagmando? Dili! Pinaagi kang Jesus, taposon sa Diyos ang daotang epekto sa pagmando ni Satanas.—Basaha ang 1 Juan 3:8.

Hatagan sa Diyos si Jesus ug gahom sa paglaglag kang Satanas. (Roma 16:20) Dayon, ang Diyos magmando sa katawhan ug ipasig-uli niya ang malipayon ug malinawong kinabuhi nga maoy iyang orihinal nga katuyoan.—Basaha ang Pinadayag 21:3-5.

Alang sa dugang impormasyon, tan-awa ang kapitulo 3 sa librong Unsay Tinuod nga Gitudlo sa Bibliya?, nga gipatik sa mga Saksi ni Jehova

Mabasa usab sa www.jw.org/ceb

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa