Unsay Giingon sa Bibliya?

Magmalinawon pa ba kaha ang yuta?

Unsay imong tubag?

• Oo

• Dili

• Tingali

Ang giingon sa Bibliya

Sa pagmando ni Jesu-Kristo, ang pakigdait dagaya hangtod sa walay kataposan.​—Salmo 72:7.

Unsa pay atong makat-onan sa Bibliya?

• Ang mga daotan hanawon gikan sa yuta, ug ang mga tawong matarong ‘makakaplag ug tumang kalipay sa kadagaya sa pakigdait.’​—Salmo 37:10, 11.

• Wagtangon sa Diyos ang gubat.​—Salmo 46:8, 9.

Posible bang makabaton ug malinawong hunahuna karon?

Ang uban nagtuo . . . nga dili magmalinawon ang atong hunahuna hangtod duna pay daghang pag-antos ug inhustisya. Unsay imong hunahuna?

Ang giingon sa Bibliya

Bisan karon, kadtong dunay maayong relasyon sa Diyos makabatog “kalinaw sa Diyos nga labaw sa tanang panghunahuna.”​—Filipos 4:6, 7.

Unsa pay atong makat-onan sa Bibliya?

• Ang Diyos nagsaad nga iyang wagtangon ang tanang pag-antos ug inhustisya, ug iyang bag-ohon ang tanang butang.​—Pinadayag 21:4, 5.

• Kita makabaton ug kalinaw sa hunahuna pinaagi sa pagtagana sa atong “espirituwal nga panginahanglan.”​—Mateo 5:3.