Unsay Pagbati sa Diyos Bahin sa Imong Pag-antos?

Nagtuo ang uban nga ang Diyos wala makakita sa atong mga pag-antos ug walay pagtagad niana.

ANG GIINGON SA BIBLIYA

• Ang Diyos nakakita ug andam motabang

  “Nakita ni Jehova nga grabe na ang pagkadaotan sa mga tawo sa yuta . . . , ug naguol ang iyang kasingkasing.”—Genesis 6:5, 6.

• Wagtangon sa Diyos ang tanang pag-antos

  “Sa dili na madugay, ang daotan mawala na; pangitaon nimo sila sa ilang nahimutangan, apan wala sila didto. Apan ang mga maaghop manag-iya sa yuta, ug mabatonan nila ang tumang kalipay tungod sa dagayang pakigdait.”—Salmo 37:10, 11.

• Kon unsay gusto sa Diyos alang kanimo

  “‘Nahibalo ko pag-ayo kon unsay akong buhaton kaninyo,’ miingon si Jehova, ‘hatagan mo nakog kalinaw, ug dili katalagman, aron makabaton mog maayong kaugmaon ug paglaom. Ug kamo motawag kanako ug moanhi ug moampo kanako, ug ako mamati kaninyo.’”—Jeremias 29:11, 12.

  “Duol sa Diyos, ug siya moduol kaninyo.”—Santiago 4:8.