Ang Librarya sa Teokratikanhong Ministeryong Tunghaan
1 Miagda ang apostol nga si Pablo kang Timoteo sa ‘padayong pagpadapat sa iyang kaugalingon ngadto sa katilingbanong pagbasa, pagpanambag, ug pagpanudlo, ug sa pagpamalandong sa mga butang nga iyang nakat-onan, nga mapatuhop niana, aron ang iyang pag-uswag mahimong mabutyag ngadto sa tanang tawo.’ (1 Tim. 4:13, 15) Usa ka paaging atong ikapadapat kining tambaga maoy pinaagig personal nga pagtuon ug panukiduki. Ang usa ka maayong teokratikanhong librarya mahimong mapuslanon kaayo alang niining katuyoana. Maayong batonan ug gamiton ang atong kaugalingon personal nga librarya sa balay. Apan ang librarya sa Teokratikanhong Ministeryong Tunghaan nga anaa sa Kingdom Hall hayan may dugang mga reperensiya, ilabina alang sa mga bag-ohan nga wala ing personal nga mga kopya sa daandaang mga publikasyon. Busa among gidasig ang tanang kongregasyon sa paghimog librarya sa Teokratikanhong Ministeryong Tunghaan didto sa Kingdom Hall.
KON UNSAY ILAKIP
2 Unsang mga publikasyona ang igalakip diha sa librarya sa Teokratikanhong Ministeryong Tunghaan? Tungod kay ang katuyoan niini mao ang pag-abag kanato sa pagtuon sa Bibliya, kinahanglang maglakip kini sa kinabag-ohang mga basahon sa Sosyedad ug lainlaing mga hubad sa Bibliya. Usab, ang usa ka maayong diksiyonaryo igatagana. Ang The Watch Tower Publications Index 1930-1985, nga gidesinyo alang sa panukiduki ug pagtuon, usa ka hinungdanong bahin diha sa maayong teokratikanhong librarya. Apan, daghang Kingdom Hall wala nianang tanang publikasyon nga gihisgotan diha sa Index. Aron mabatonan ang dugang pang materyal, ang Sosyedad nagaplano sa pagpatik pag-usab sa tinahing mga tomo sa The Watchtower alang sa mga tuig 1960 hangtod sa 1979, sa Ingles lamang. Kini makahimog maayong pagdugang ngadto sa Teokratikanhong Ministeryong Tunghaang mga librarya nga wala pa niining maong mga reperensiya.
3 Ang magtatan-aw sa Teokratikanhong Ministeryong Tunghaan mao ang responsable sa librarya. Ang usa ka ministeryal nga alagad mahimong itudlo sa pagbulig kaniya sa pag-atiman niana. Kinahanglang alisto ang magtatan-aw sa tunghaan sa pagtino nga ang tukma bag-ong mga publikasyon ginadugang ug ang maong mga libro sa matin-aw markahan nga nagapakitang kini maoy propyedad sa kongregasyon. Ang tanan mokooperar gayod sa magtatan-aw sa tunghaan sa paghupot nga mahinlo ug mahapsay ang librarya. Kon aduna ka ing mga basahon nga buot mong idonar ngadto sa librarya, nan imong pahibaloon ang magtatan-aw sa tunghaan kon unsang mga basahong imong nabatonan.
HUPTAN SA MAAYONG KAHIMTANG
4 Hikayon sa magtatan-aw sa tunghaan ang pupanahong pagsusi sa librarya sa pagtino nga maayo ang kahimtang niana ug ginaatiman ang bisan unsang mga pag-ayo (repairs) ug mga pagpuli (replacements). Batiang libre sa paggamit sa librarya sa dili pa ug human sa mga tigom. Apan, kinahanglang walay basahon nga dad-on-igawas gikan sa Kingdom Hall.
5 Ang Teokratikanhong Ministeryong Tunghaang librarya nagasilbig maayo kaayong katuyoan. Samtang atong pahimuslan kining taganaha sa paghimog panukiduki, atong mabatonan ang kangaya sa pagkakaplag sa ‘natagong mga bahandi’ sa Pulong sa Diyos nga nagahatag ug kahibalo, kaalam, ug pagsabot.—Prov. 2:4-6.