Pangutana

● Angay ba alang sa usa ka igsoong lalaki sa pagdumalag serbisyo sa lubong sa usa ka tawo nga iya sa kalibotan kinsa gibantog nga kriminal?

Motungha ngadto ngadto ang mga pangutana maylabot sa pagdumala sa lubong kon ang namatay, sama sa di-magtutuong paryente sa usa sa mga Saksi ni Jehova, adunay diyutay o wala makig-uban sa mga Saksi ni Jehova. Ang usa ka timbang nga paagi sa pagdumalag serbisyo sa lubong para sa maong indibiduwal gipresentar diha sa Ang Bantayanang Torre sa Disyembre 1, 1977, mga panid 717-22 (pp. 346-7 sa Hunyo 1, 1977, Ingles).

Kon hangyoon sa pagdumalag pahayag sa lubong alang sa usa ka tawo sa kalibotan nga giisip nga iladong mamumuhat sa daotan, kita gayod modumili kay kana mobanaag man sa negatibong paagi kang Jehova ug sa iyang kapunongan.​—Prov. 18:3.

Unsa na man bahin sa di-dedikadong tawo nga sa miagi nagbuhat ug daotan? Aduna ing kalainan tali sa usa nga nagpadayon sa pagkinabuhi sa kinabuhi sa pagpakasala ug sa usa nga natukmod sa di-maayong kinabuhi sa miagi apan narepormar sa espirituwal ug nanlimbasog sa pagsul-ob sa bag-ong personalidad. (Roma 12:2; Efe. 4:17, 20-24) Ang maong tawo basin wala pa gayod mahimong dedikado ug bawtismadong Kristohanon kinsa nagmatul-id na ug nahinloan na. (1 Cor. 6:9-11; Pin. 7:9, 10) Apan siya tingali may mga tikang nang gihimo sa pagbag-o sa iyang kinabuhi, ug kini pagatagdon kon ang usa ka hangyo gihimo sa pagdumala sa iyang lubong. Kon gibati sa mga ansiyano nga dili kana makatugaw sa kalinaw ug panaghiusa sa kongregasyon ni makadalag pasipala sa katawhan ni Jehova, mahimong wala may supak sa usa ka ansiyano sa paghatag ug pakigpulong kon ang iyang tanlag motugot kaniya sa pagbuhat niana.​—1 Cor. 10:23, 24, 29, 32, 33.