Pilia ang Tukmang mga Puntong Igsusulti

¹ Unsa man ang atong mahimo sa pagdasig sa katawhan nga mobasa sa Ang Bantayanang Torre ug Pagmata! nga makanunayon? Gikinahanglan tang batonan ang makapainteres nga mga puntos nga ikahisgot sa dihang magarekomendar sa mga magasin sa uban. Kon kita nasinati na kaayo sa katawhan sa atong teritoryo ug anaa sila sa hunahuna sa dihang ginabasa ta ang mga magasin, kita makapangita alang sa mga puntong igsusulti aron pagdakop sa ilang interes.

² Diha sa pipila ka dapit ang katawhan may susamang kaagi, nga magpasayon niini sa pagmatikod sa usa ka butang nga may linangkob nga interes. Apan sa ubang mga dapit, makaplagan nato ang katawhan nga gikan sa nagkalainlaing kagikan. Kon may ubay-ubay tang mga puntong igsusulti sa hunahuna, makapili ta ug usa nga labing haom sa kada tawo nga atong ikahibalag. Pananglitan, sa kada gula sa Pagmata! adunay artikulo nga ilabinang gisulat alang sa mga batan-on. Sagad gusto sa mga lalaki ang seksiyon diha sa “Pagpaniid sa Kalibotan,” o siyentipikanhong mga artikulo, samtang ang mga asawa mahimuot sa mga artikulo bahin sa pamilya. Magmasinabtanon sa dihang nagapilig mga puntong igsusulti.

³ Ayawg isalindot dayon ang daandaang mga gula sa mga magasin sa dihang madawat mo ang mga bag-o. Ang usa ka igsoon sagad nagapakita sa tulo o upat ka gula sa Ang Bantayanang Torre o Pagmata! ngadto sa tagbalay ug tugotang siyang mopili sa buot niyang basahon.

⁴ Daghang tawo nga bisan pag may pipila ka interes sa kamatuoran, wala mouswag ngadto sa punto nga modawat ug usa ka pagtuon sa Bibliya. Apan ang ilang interes maugmad kon adunay usa nga regular nga mobalikduaw dala ang matag bag-ong gula sa mga magasin. Oo, ang matinumanong paghatod sa mga magasin sa usa ka ruta sa magasin makabulig sa katawhan sa kadugayan nga mouyon nga madumalahan ug usa ka regular nga pagtuon sa Bibliya.

⁵ Pinaagig kanunayng paggamit sa tukmang mga puntong igsusulti, mahimong mapalihok nato ang uban sa pagbasa sa mga magasin ug tingali mapasugod sila sa pagsubay sa dalan sa kinabuhi. (Mat. 7:14) Kon ihatag ta ang mainampingong pagtagad niining mahinungdanong butang, mapaneguro nato ang panalangin ni Jehova.