Kaplaga ang mga Interesado Pinaagig Epektibong Pagpamatuod sa Kadalanan
1 Si Jesus misugo sa iyang mga tinun-an sa pagpangita niadtong mga takos sa pagpatalinghog sa maayong balita sa Gingharian. (Mat. 10:11) Apan, sa daghang dapit karon, mas malisod na ang pagkontak sa mga tawo diha sa ilang mga balay. Busa, unsay mahimo sa pag-abot sa takos nga mga tawo kinsa mahimong masayloan?
2 Ang pagsangyaw sa kadalanan mahimong epektibong paagi sa pagkaplag sa mga tawo nga di-masakpan sa buluhatong pamalaybalay. Mahimo ta ang pagpamatuod sa kadalanan diha sa mga hunonganan sa bus, diha sa duol sa tinukod nga mga apartment nga luwas sa kapilegrohan, sa publikong mga parke, ug sa ubang mga dapit nga ang mga tawo nagahimo sa ilang inadlawng mga kalihokan.
3 Sa hisgotan ang pagpamatuod sa kadalanan, ang uban mobatig pagpanuko. Sila hayan magduhaduha sa pagpakig-ambit nianang buluhatona tungod kay sila maulawon o sila nagahunahuna-daan nga supakon sa mga tawo. Sagad kining mga kabalakaha walay pasukaranan. Kadtong batid niining buluhatona nagataho nga mas lisod pa ang pagpamatuod sa mga ganghaan. Sa pagkamatuod, ilang nakaplagan nga kadaghanan sa mga tawo mas mahilig sa pagpakigsulti kay sa motuktok kita sa ilang pultahan. Busa kon kita ‘magbaton ug kaisog,’ kita basin matingala sa maayong mga resulta nga makab-ot.—1 Tes. 2:2.
4 Sa unsang paagi mahimo nga mas epektibo ang buluhaton sa kadalanan? Importante nga mangandam pag-ayo. Basaha ang mga magasin nga abante pa sa panahon, ug pilia ang usa o duha ka puntong igsusulti nga gibati mo nga makapainteres sa mga tawo. Ang usa ka presentasyon sa 30 ka segundos daw igo ra. Pilia ang dapit diin daghang tawong regular nga moagi. Bisan tuod mahimong angay nga ang laing magmamantala anaa ra sa duol, sagad mas maayo nga separado sa pagpamatuod. Ang mga magmamantala nga tupad nga magbarog mahimong mahilig sa pag-estoryahanay ug dili makamatikod kanilang sa publiko nga basin mapaminawon sa mensahe sa Gingharian.
5 Ang pagtindog diha sa usa ka luna ug yanong pagpakita sa mga magasin dili sama kaepektibo nga duolon ang usa ka tawo. Magmainiton ug magmahigalaon samtang ginatinguha mo ang pagsugod ug panaghisgotay. Sa pipila ka hitabo, basin kinahanglan ka nga mohimog pipila ka tikang duyog sa maong tawo samtang nagapakigsulti ka kaniya. Kon siya masanongon, itanyag ang mga magasin. Kon dumilian ang mga magasin, ikatanyag mo ang usa ka ‘tract.’
6 Sagad maoy labing maayong mangandam ug usa ka mubong pangutana o han-ay-sa-pulong nga magpainteres. Kon aduna ing interes, sulaying kuhaon ang ngalan sa tawo, adres, ug tingali ang numero sa telepono aron imong masundal ang interes. Ikaw tingali makaingon: “Kon buot mong makakat-on ug dugang, malipay ako nga moduaw kanimo o mohikay ug laing Saksi aron duawon ka.”
7 Usa ka ansiyano nga nagsangyaw sa kadalanan miduol sa usa ka babaye ug nakahimamat nga siya wala pa gayod makapakipaghisgot uban sa mga Saksi didto sa iyang balay. Midawat siyag usa ka libro ug miuyon nga ang usa ka sister moduaw kaniya sa iyang balay sa kombeniyenteng panahon. Daghan pang takos nga mga tawo ang makaplagan gayod ug matabangan kon kita epektibo diha sa pagpamatuod sa kadalanan.—Buh. 17:17.