Gamhanan ang Pulong sa Diyos
1 Ang Bibliya nakaimpluwensiya gayod sa mga kinabuhi sa minilyon. Ang gipamulong niini labaw pang makapalihok kay sa bisan unsang butang nga ikapatungha sa tawo. (Heb. 4:12) Tan-awa kon unsa ang nahimo niini alang kanato. Sa tinuoray, dili ikatanding ang bili niini.
2 Ang mga Saksi ni Jehova mao ang kinaunhang mga estudyante sa Bibliya. Angay natong isipon ang pagbasa sa Bibliya ingong usa ka hinungdanong bahin sa atong regular nga eskedyol, nga nagapalabi niini kay sa telebisyon, ug uban pang tanang pangagpas sa lulinghayaw.
3 Himoa Kanang Regular nga Batasan: Ang katawhan ni Jehova nagapabili sa gamhanang impluwensiya nga ikapasundayag sa regular nga pagbasa sa Bibliya. Usa ka karatula diha sa usa sa mga tinukod sa atong buhatan didto sa Brooklyn nagaawhag sa mga tawo sa “Pagbasa sa Pulong sa Diyos ang Balaang Bibliya Adlaw-adlaw.” Ang bag-ong mga membro sa pamilyang Bethel gikinahanglang mobasa sa tibuok Bibliya sulod sa ilang unang tuig sa Bethel. Naganunot ka ba sa senemanang pagbasa sa Bibliya diha sa Teokratikanhong Ministeryong Tunghaan?
4 Kon may kalisdanan ka sa pagbuhat niini, nganong dili tul-iron kini sa Nobyembre? Ang pagbasa sa Bibliya sa tibuok bulan maoy sa Salmo 95-109, nga nagapasabot sa pagbasa ug tulo o upat ka panid sa usa ka semana. Ang uban nagabasa ug ginagmay kada adlaw, tingali sayo sa buntag o una pa matulog sa gabii. Ang hinungdanong butang mao nga imong maani ang mga benepisyo sa regular nga pagbasa sa Pulong sa Diyos.
5 Itanyag ang Bibliya sa Nobyembre: Daghang tawo ang nagatahod gihapon sa Bibliya ug andam sa pagpaminaw kon unsa ang giingon niini. Sa Nobyembre atong itanyag ang New World Translation (o Ang Balaang Kasulatan) ug ang librong Ang Bibliya—Pulong sa Diyos o sa Tawo? Kini magpakita sa mabuot-kasingkasing nga mga tawo sa bili sa Pulong sa Diyos. Magmaikagon sa pagbuhat niana.
6 Andama ang pipila ka komento sa talagsaong mga bahin sa New World Translation nga makapalihok sa katawhan sa pagkuha niana. Imong magamit ang usa sa mga ulohan sa seksiyon nga “Bible Topics for Discussion” ug ilambigit kana sa librong Ang Bibliya—Pulong sa Diyos o sa Tawo? O ikapakita mo ang kahinungdanon sa 92-panid nga indise sa mga pulong sa Bibliya sa pagpangita sa sinating mga teksto. Ang pipila ka magmamantala hayan buot nga mopatugbaw sa “Table of the Books of the Bible” ug ipakita ang kahinungdanon niini sa pagtuon sa Bibliya.
7 Seguroang ikapunting nga ang New World Translation maoy sa modernong Ingles, nga magpasayon sa pagsabot niini. Ang pipila ka makapainteres nga pagtandi sa King James Version mao ang 1 Corinto 10:25 ug 16:22. Ang New World Translation nagagamit sa balaang ngalang Jehova sa 7,210 ka beses.
8 Oo, ang Bibliya mao ang Pulong sa Diyos. Kon basahon nato kini ug ipadapat ang mga tambag niini sa atong mga kinabuhi, maani nato ang dagkong mga benepisyo. (Roma 15:4) Hinungdanon nga atong basahon kini adlaw-adlaw ug gamiton kini sa pagtudlo sa uban.