Makanunayong Pagtambong sa Tigom—Hinungdanon sa Atong Pagbarog nga Malig-on
1 Diha sa mga tigom sa kongregasyon atong ginatagad ang makaayong mga hunahuna ug nasangkapan sa espirituwal nga armadora aron kita “makabarog nga malig-on batok sa malipatlipatong kaugdahan sa Yawa.”—Efe. 6:11; Filip. 4:8.
2 Ang mga Tigom Nagatagana kon Unsa ang Atong Panginahanglan: Sa mga tigom ang mga pag-ampo ginatanyag sa pagdayeg sa Diyos ug sa pagpangaliyupo kaniya bahin sa mga panginahanglan sa kongregasyon. (Filip. 4:6, 7) Ang pagduyog sa mga awit sa Gingharian nagapadasig kanato ug nagapaarang kanato nga ikapadayag ang atong mga pagbati samtang ginasimba nato si Jehova. (Efe. 5:19, 20) Ang atong panagsandurotay diha sa Kingdom Hall una pa ug human sa mga tigom nagapadasig kanato, nagapalig-on kanato, ug nagaparepresko kanato.—1 Tes. 5:11.
3 Sa miaging Abril ang espesyal nga pakigpulong “Ang Kataposan sa Bakak nga Relihiyon Haduol Na” kusganong nagpasiugda sa pagkadinalian sa pagkuhag dihadihang paglihok sa paggawas sa Dakong Babilonya. (Pin. 18:4) Sa Hunyo ug Hulyo, pagkamakapadasig kadto ang pagkobre sa tulo ka tun-anang artikulo sa Bantayanang Torre bahin sa mga sidlak sa kahayag nga nagpasanag sa alagianan sa matarong! (Prov. 4:18) Hunahunaa kon unsa ang ato untang nasal-angan kon kita wala pa motambong niadtong mga tigoma.
4 Ingon sa gipunting sa Organisado sa Pagtuman sa Atong Ministeryo sa panid 72, ang Teokratikanhong Ministeryong Tunghaan maoy tagana alang sa padayong edukasyon sa entirong kongregasyon. Sa pagkakaron kita gitabangan nga mahimong mas pang sinati sa kasaysayan sa organisasyon pinaagi sa paggamit sa librong Mga Magmamantala. Dili kita makaako nga sipyaton kining edukasyona.
5 Ang atong Tigom sa Pag-alagad nagasangkap kanato nga mahimong mas nga epektibo diha sa ministeryo. Kini gipakita pinaagig tigom nga atong nadawat ang mga instruksiyon maylabot sa pagpanagtag sa Kingdom News No. 34. Ang mga panalangin ni Jehova niining buluhatona maoy dagaya, ingon sa nakita sa talagsaong mga resulta sa tibuok kalibotan. (Itandi ang 2 Corinto 9:6, 7.) Kadtong regular nga nagatambong sa mga tigom nakatabang sa pagpadako sa suportar nga gikahatag sa maong kampanya.
6 Diha sa Panagtuon sa Libro sa Kongregasyon, ang atong pagsabot sa pagkadinalian gipalambo pa pinaagi sa mga butang nga atong makat-onan gikan sa Pinadayag nga libro. Tungod sa mga hitabo nga tuling nagakahitabo sa eksena sa kalibotan, kinahanglan natong masabtan ang katumanan sa mas lalom nga mga tagna sa Pinadayag.
7 Hatagig Unang Pagtagad ang Regular nga Pagtambong sa Tigom: Sa daghang dapit ang atong mga igsoon nagaila kon unsa ka hinungdanon ang mga tigom matag semana. Pananglitan, sa Burundi, Rwanda, Liberia, ug Bosnia ug Herzegovina, daghan kaayong bag-ohan ang anaa sa mga tigom nga ang tumatambong maoy duha o tulo ka pilo ang gidaghanon kay sa total nga gidaghanon sa mga magmamantala. Niining paagiha si Jehova nagatabang sa mga igsoon sa pagpabiling malig-on diha sa usa ka espiritu.—Filip. 1:27; Heb. 10:23-25.
8 Ang bisan kinsa nga tingali nagsalindot sa regular nga pagtambong sa mga tigom kinahanglang maghimog mga lakang karon sa pagtul-id niining maong hilig. (Prov. 18:1; Eccl. 4:9-12) Aron makabarog nga malig-on, gikinahanglan nato ang pagdinasigay uban sa mga hamtong, nga gitagana pinaagig regular nga pagtambong sa tigom.—Roma 1:11, 12.