Pangutana
◼ Unsa ang angayng himoon kon ang giasayn nga mamumulong sa publiko mapakyas sa pag-abot sa hustong panahon alang sa tigom?
Usahay, ang di-malikayang mga kahimtang magpapugong sa igsoong lalaki nga moabot sa tukmang panahon sa paghatag sa iyang naeskedyul nga pakigpulong. Kon may katarongang tuohan nga sa di-madugay siya moabot ra, ang mga ansiyano mahimong maghukom nga sugdan ang Pagtuon sa Bantayanang Torre; ang Miting Publiko mahimong mosunod pagkahuman. Unsa man kon madayag nga ang mamumulong dili moabot? Tingali ang usa sa lokal nga mga mamumulong makahatag ug bisan unsang pakigpulong nga iyang naandam daan.
Ang maampingon abanteng pagplano kasagarang mopalikay niining problemaha. Ang coordinator sa pakigpulong publiko kinahanglang magkontak sa matag mamumulong labing menos usa ka semana nga abante sa pagpahinumdom kaniya sa iyang asaynment. Ang pahinumdom kinahanglang maglakip sa oras sa tigom, ang adres sa Kingdom Hall ug numero sa telepono, ug tin-awng mga direksiyon kon unsaon pagkaplag sa tigomanan. Ang mamumulong kinahanglang maghimog maampingong nota niining mga detalyeha. Kon motungha ang di-malikayang butang nga magpugong kaniya sa paghatag sa pakigpulong, kinahanglang kontakon niya gilayon ang coordinator sa pakigpulong publiko aron mahikay ang kapuli. Ang tanang paningkamot kinahanglang himoon aron malikayan ang ultima-minutong mga pagkanselar. Kon ang mamumulong maulahi sa pipila ka minutos, siya makahikay nga motelepono o sa laing paagi makapadalag mensahe diin posible aron masayod ang mga igsoon kon unsaon pagpadayon.
Ang pagpabili sa mga asaynment sa pakigpulong publiko, maayong abanteng plano ug mga pahinumdom, ug maampingong pagdumala magseguro nga ang kongregasyon makatagamtam ug mapuslanong pakigpulong publiko sa matag semana.