Pangutana

◼ Sa unsang paagi ipresentar ang pangbukas nga awit para sa Teokratikanhong Tunghaan sa Ministeryo, Tigom sa Pag-alagad, Miting Publiko, ug Pagtuon sa Bantayanang Torre, ug kinsay mopresentar niini?

Ang pangbukas nga awit para sa Teokratikanhong Tunghaan sa Ministeryo sa matag semana gilista diha sa Eskedyul sa Teokratikanhong Tunghaan sa Ministeryo sa pasukip sa Oktubre nga Atong Ministeryo sa Gingharian. Ang pangbukas ug paniklop nga mga awit alang sa Tigom sa Pag-alagad sa matag semana gipakita diha sa panid 2 sa Atong Ministeryo sa Gingharian. Sa samang paagi, ang mga awit para sa senemanang Pagtuon sa Bantayanang Torre makita sa panid 2 sa matag gula sa Ang Bantayanang Torre. Ang giasayn nga mga alawiton giisip nga bahin sa katibuk-ang programa ug busa kini ipresentar sa igsoon nga modumala sa maong programa imbes sa tsirman sa gisundang programa.

Pananglitan, ang magtatan-aw sa Teokratikanhong Tunghaan sa Ministeryo maoy mag-abiabi sa mamiminaw, magpresentar sa alawiton, magdumala sa tunghaan, ug dayon motawag sa unang mamumulong sa Tigom sa Pag-alagad ngadto sa plataporma. Ang igsoon nga mohatag sa unang bahin sa Tigom sa Pag-alagad maoy magpresentar sa pangbukas nga alawiton sa maong programa.

Sa samang paagi, ang Miting Publiko sugdan pinaagig usa ka tsirman. Mainiton niyang abiabihon ang tanang nanambong ug dapiton sila sa pagduyog sa pag-awit sa pangbukas nga alawiton nga gipili sa mamumulong. Ang tsirman (o ang laing kuwalipikadong brader nga giasayn na daan) maoy mohatag sa pangbukas nga pag-ampo. Ipailaila niya ang mamumulong ug isulti ang ulohan sa iyang pakigpulong. Human sa pakigpulong, pasalamatan kadiyot sa tsirman ang instruksiyon nga nadunggan, apan dili sublion ang mga punto nga bag-o pang gihisgotan sa mamumulong. Ipahibalo niya ang ulohan sa pakigpulong publiko sa sunod semana, ug dayon dapiton ang tanang nanambong sa pagpabilin para sa Pagtuon sa Bantayanang Torre. Dili na kinahanglang pangutan-on pa sa tsirman ang mamiminaw kon buot ba nilang ipadala ang ilang gugma ug pangomosta ngadto sa kongregasyon sa dinapit nga mamumulong. Pagkahuman, tawgon sa tsirman ang tagdumala sa Pagtuon sa Bantayanang Torre ngadto sa plataporma.

Ang tagdumala sa Pagtuon sa Bantayanang Torre maoy mopresentar sa unang alawiton para sa maong pagtuon. Iyang dumalahon ang pagtuon sumala sa gipatik nga mga instruksiyon ug dayon isulti ang paniklop nga awit. Kasagaran, tawgon sa tagdumala sa Pagtuon sa Bantayanang Torre ang igsoon nga mihatag sa pakigpulong publiko para sa paniklop nga pag-ampo.

Ang pagsunod niining katibuk-ang giya makatabang gayod aron ang atong mga tigom sa kongregasyon madumala sa hiniusang paagi.