Mga Pahinumdom sa Memoryal

Ang pagsaulog sa Memoryal himoon sa Dominggo, Marso 23. Kinahanglang hatagag pagtagad sa mga ansiyano ang mosunod nga mga butang:

◼ Sa pagtino sa oras alang sa tigom, seguroha nga ang mga emblema dili ipasa hangtod sa pagkahuman sa pagsalop sa adlaw.

◼ Ang matag usa, lakip ang mamumulong, kinahanglang mapahibalo sa tukmang oras ug dapit alang sa pagsaulog.

◼ Ang tukmang matang sa tinapay ug bino kinahanglang mabatonan ug maandam.​—Tan-awa ang Agosto 15, 1985, Bantayanang Torre, panid 19 (Pebrero 15, 1985 sa Ingles).

◼ Ang mga plato, mga baso, ug haom nga lamesa ug mantel kinahanglang dal-on sa tigomanan ug ipahiluna nga abante.

◼ Ang Kingdom Hall o ang ubang dapit sa tigomanan kinahanglang mahinloan pag-ayo nga abante sa panahon.

◼ Ang mga atendant ug mga tigsilbi kinahanglang pilion ug mahatagan ug instruksiyon nga abante bahin sa tukmang pamaagi ug sa ilang mga kaakohan.

◼ Ang mga kahikayan kinahanglang himoon aron masilbihan ang bisan kinsa sa dinihogan nga baldado ug dili makatambong.

◼ Kon kapin sa usa ka selebrasyon ang ieskedyul sa samang Kingdom Hall, kinahanglang adunay maayong koordinasyon taliwala sa mga kongregasyon aron malikayan ang paghuot diha sa agianan sa atubangan ug sa dalan sa gawas.