Sunda si Jesus nga Mapinadayonon
1 Si Jesus miingon: “Kon si bisan kinsa buot mosunod kanako, padumilia siya pag-angkon sa iyang kaugalingon ug paalsaha sa iyang sakitanang estaka ug sa mapinadayonon mosunod kanako.” (Mat. 16:24) Buot gayod natong mosanong nga positibo sa mga pulong ni Jesus. Atong susihon kon unsay nalangkit sa matag prase sa iyang pagdapit.
2 “Pabumilia Siya Pag-angkon sa Iyang Kaugalingon”: Sa dihang atong gipahinungod ang atong mga kinabuhi kang Jehova, atong gidumilian ang atong kaugalingon. Ang paninugdang kahulogan sa Gregong pulong nga gihubad “pagdumili” mao ang “pag-ingon nga dili.” Kana nagpasabot nga kinabubut-on natong gisurender ang atong kaugalingong mga ambisyon, tinguha, kaharuhay, ug hakog nga mga kalingawan, nga determinado sa pagpahimuot kang Jehova hangtod sa kahangtoran.—Roma 14:8; 15:3.
3 “Paalsaha sa Iyang Sakitanang Estaka”: Ang Kristohanong kinabuhi maoy kinabuhi sa pagpas-an ug estaka sa masakripisyohong pag-alagad kang Jehova. Usa ka paagi nga ikapakita ang espiritu sa pagsakripisyo sa kaugalingon mao ang pagpaningkamot sa usa diha sa ministeryo. Niining tuiga, daghang magmamantala ang nalipay sa buluhatong pag-oksilyare payunir. Lagmit ikaw usa kanila ug makapamatuod nga ang mga panalangin nga imong nakuha takos kaayo sa mga pagsakripisyo nga imong nahimo. Kadtong dili makaoksilyare payunir subsob nga naghikay sa paggugol ug dugang panahon diha sa pagsangyaw nga buluhaton isip mga magmamantala sa kongregasyon. Niana nga katuyoan, ang pipila ka kongregasyon nag-eskedyul ug dugang mga tigom sa dayon na nga pagsangyaw sa mga panahong kombenyente sa mga magmamantala. Nabatonan sa pipila ang ekselenteng mga resulta, usab, sa dihang sila mihukom nga magpabilin makadiyot sa pag-alagad sa kanataran ug magduaw sa ‘usa na lang ka balay’ o sa pagbuhat ug ‘dugang pipila pa ka minuto.’
4 Ang laing paagi nga ikapakita ang espiritu sa pagsakripisyo sa kaugalingon mao ang paghimog personal nga mga tumong. Pinaagig maampingong pagplano ug pagpasibo sa ilang eskedyul, ang pipila nahimong mga regular payunir. Ang uban nakahikay sa ilang mga kalihokan aron makabalhin sa usa ka lugar nga adunay mas dakong panginahanglan sa mga magmamantala sa Gingharian.
5 “Sa Mapinabayonon Mosunob Kanako”: Bisag ang mga tinun-an ni Jesus nakasinatig daghang pagsulay, sila nadasig pinaagi sa iyang kasibot ug paglahutay diha sa ministeryo. (Juan 4:34) Gibati nilang nabag-o ang ilang espiritu gumikan sa iyang presensiya. Kana ang hinungdan kon nganong kadtong nagsunod kaniya nagpasidlak ug tiunay nga kalipay. (Mat. 11:29) Sa ingon niana atong dasigon usab ang usag usa sa paglahutay sa hinungdanon-kaayong buluhatong pagsangyaw sa Gingharian ug paghimog mga tinun-an.
6 Hinaot kitang tanan positibong mosanong sa pagdapit ni Jesus sa pagsunod kaniya nga mapinadayonon pinaagig pag-ugmad sa espiritu sa pagsakripisyo sa kaugalingon. Samtang buhaton nato kana, kita makabaton ug dakong kalipay karon ug sa mas dako pang mga panalangin sa umaabot.