Pagtuon sa Tagna ni Daniel
1 Sugod sa semana sa Abril 17, atong tun-an ang Patalinghogi ang Tagna ni Daniel! diha sa Pagtuon sa Libro sa Kongregasyon. Daghan ang nakabasa na niining makalingaw nga libro, apan karon kita adunay kahigayonan sa pagpahimulos sa mga kaayohan nga magsumikad sa grupong panaghisgot sa materyal. Ang tanang magmamantala, mga interesado, ug mga bata gidapit, gidasig gayod, nga motambong sa matag semana alang niining matugkarong pagtuon sa basahon sa Bibliya ni Daniel.—Deut. 31:12, 13.
2 Eskedyul sa Pagtuon ug mga Instruksiyon: Ang kompletong eskedyul sa pagtuon sa librong Tagna ni Daniel gitagana niining gulaa sa Atong Ministeryo sa Gingharian. Paneguroa nga magtipig ug kopya uban sa imong tun-anang libro. Gipakita sa eskedyul ang kapitulo ug mga parapo gikan sa libro maingon man sa mga bersikulo gikan sa Daniel nga hisgotan sa matag sesyon sa semana. Ang mga potnot magpatin-aw kon sa unsang paagi ug kon kanus-a konsiderahon ang pipila sa materyal sa libro. Sa konklusyon sa matag senemanang pagtuon, ang tagdumala gidasig sa pagsubli uban sa grupo sa espesipikong mga bersikulo gikan sa Daniel nga nalista diha sa eskedyul alang nianang semanaha. Kon itugot sa panahon, ang mga bersikulo mahimong basahon ug komentohan. Ang pipila ka bersikulo mosaylo gikan sa usa ka semana ngadto sa lain tungod sa padayong pagtagad sa kapadapatan niini.
3 Pangandam Alang sa Bug-os nga Pagtuon: Gihimo ang paningkamot sa pagtugot ug igong panahon sa matag semana alang sa di-paspas nga panaghisgot sa natudlong materyal. Ang upat ka leksiyon daw mubo ra. Busa, pagkatapos sa pagtuon alang semana sa Hunyo 5, mahimong ilakip sa tagdumala ang pagsubli sa Daniel 2:1-40. Alang sa semana sa Hunyo 26, mahimo niyang sublion ang Daniel 3:1-30. Ang semana sa Septiyembre 4 angayng maglakip sa bug-os nga panaghisgot sa mga ilustrasyon ug mga kasulatan sa panid 139. Ang tsart sa mga panid 188 ug 189 angayng hisgotan sa pagtuon alang sa semana sa Oktubre 2.
4 Pangandam pag-ayo alang sa pagtuon matag semana, ug magkalipay sa pagpakig-ambit niana. Pabilhi ang imong pribilehiyo sa pagpakig-uban sa makitang organisasyon ni Jehova ug pagpahimulos gikan sa kaalam ug pagsabot nga gitagana pinaagi sa iyang matinumanong mga dinihogan. (Dan. 12:3, 4) Mabinationg dasiga ang uban sa makanunayong pagtambong sa pagtuon sa libro. Hinaot kitang tanan magpatalinghog sa matagnaong pulong sa Diyos sumala sa gipadayag diha sa makapahibulong nga basahon ni Daniel.—Heb. 10:23-25; 2 Ped. 1:19.