Atong Tun-an ang Librong Kalipay sa Pamilya

Malipay ka sa pagkahibalo nga sugod sa semana sa Oktubre 6-12, 1997, atong tun-an ang librong Ang Sekreto sa Kalipay sa Pamilya diha sa Pagtuon sa Libro sa Kongregasyon. Walay usang buot nga mosipyat sa pagtuon sa grupo niining praktikal nga Kasulatanhong giya alang sa kalipay sa kinabuhi sa pamilya. Ang eskedyul sa pagtuon magtugot ug igong panahon sa bug-os nga pagsusi sa matag parapo ug teksto sa Bibliya diha sa libro.

Ang unang tibuok nga kapitulo tun-an sa unang semana sa pagtuon, sanglit nasudlan lamang kinig pipila ka wala-kutloang mga kasulatan. Sa samang rason, ang kapitulo 15 tun-an sa usa ka sesyon. Bisan pa niana, ang tanang ubang kapitulo bahinon ngadto sa duha ka bahin, nga halos katunga sa kapitulo ang tun-an matag semana. Busa, adunay igong panahon sa pagbasa ug paghisgot sa tanang gisitar nga kasulatan maingon man ang pagsusi pag-ayo sa kapadapatan sa tanang gikutlong kasulatan sa matag parapo.

Ang usa ka hinungdanong bahin sa pagtuon mao ang panaghisgot sa materyal diha sa kahon sa pagtudlo sa kataposan sa matag kapitulo. Busa, ang igong panahon kinahanglang itagana sa pagtagad sa mga pangutana ug sa gisitar nga mga kasulatan diha sa kahon.

Ang mga tagdumala sa Pagtuon sa Libro sa Kongregasyon giawhag sa paghatag ug linaing pagtagad sa ilang pagpangandam alang sa pagtuon ug sa pagdasig sa tanang sakop sa ilang grupo, lakip ang mga bag-ohan, sa pagpangandam pag-ayo ug sa pagtambong nga regular.​—om 74-6.