Pabilhi ang The Bible—Mankind’s Oldest Modern Book
Ang mosunod nga mga pangutana magpasiugda sa mga puntos nga hayan imong namatikdan sa dihang nagtan-aw niini nga video: (1) Unsang mga kamatuoran ang nagpaila sa Bibliya ingong walay ikatandi? (2) Paghatag ug pananglitan kon sa unsang paagi ang Bibliya, bisan pag karaan kini, nagkauyon sa modernong siyensiya. (3) Sa unsang paagi kita makaseguro nga ang Bibliya karon wala mausab gikan sa orihinal nga mga sinulat? (4) Unsa ang usa ka talagsaong bahin sa teksto sa karaang mga manuskrito sa Bibliya, ug unsang pagsalig ang gisilsil niini kanimo? (5) Sa unsang mga paagi si John Wycliffe, Johannes Gutenberg, William Tyndale, Mary Jones, ug Charles Taze Russell nakaamot sa pagpakaylap sa Pulong sa Diyos sa tibuok kalibotan? (6) Sa unsang paagi ang simbahan mabangisong misupak sa Bibliya, apan unsay nagpaarang niini nga makalahutay hangtod sa atong adlaw? (7) Ngadto sa unsang gidak-on nga ang organisasyon ni Jehova nakahubad ug nakapatunghag mga Bibliya? (8) Sa unsang paagi ang praktikal nga tambag sa Bibliya nakatabang sa mga tawo sa pagdumala sa mga suliran sa mapatuyangong pagpanugal (1 Tim. 6:9, 10), panagbulag sa kaminyoon ug pagluib (1 Cor. 13:4, 5; Efe. 5:28-33), ug pagkalinga sa materyal nga mga bahandi (Mat. 16:26)? (9) Adunay unsang pamatuod nga ang pagpadapat sa Kasulatanhong mga prinsipyo makabuntog sa nasodnon, etniko, ug rasanhong pagdumot sa kalibotan? (10) Sa unsang mga paagi nga ang pagkakat-on sa mga kaundan sa Bibliya naghatag kanimog mas dakong kalipay? (11) Kinsa sa imong hunahuna ang makapahimulos gikan niini nga video, ug unsaon nimo kini sa pagpresentar ngadto kanila?