Mga Impresyon sa Video nga The Bible​—Its Power in Your Life

Agig sanong sa mosunod nga mga pangutana, ipahayag ang imong kinasingkasing nga mga impresyon sa mensahe nga anaa niini nga video. (1a) Unsay nagpaarang sa milyonmilyong tawo sa pag-usab sa ilang mga kinabuhi alang sa ikaayo? (Heb. 4:12) (1b) Unsay gikinahanglan aron mabatonan kining gahoma ug magamit kini diha sa kinabuhi sa usa? (2) Unsang mga teksto sa Bibliya ang gikutlo sa pagtabang sa mga magtiayon sa (a) pagpauswag sa ilang komunikasyon ug (b) pagpugong sa ilang kasuko? (3) Sa unsang paagi ang Kristohanong panglantaw sa kaminyoon magpauswag sa pamilyahanong kinabuhi? (Efe. 5:​28, 29) (4) Sa unsang paagi si Jehova nga Diyos nagpakitag hingpit nga panig-ingnan sa paghatag sa mga anak ug tulo ka butang nga gusto gayod ug gikinahanglan nila, ug sa unsang paagi mahimo sa mga ginikanan karon ang ingon? (Mar. 1:​9-​11) (5) Nganong angayng ang mga ginikanan ang personal nga magtudlo ug Bibliya sa ilang mga anak, ug unsay nagpaila sa panginahanglan sa pagkaregular sa pagbuhat sa ingon? (Deut. 6:​6, 7) (6) Sa unsang paagi himoon sa mga ginikanan nga makapaikag ang pagtuon sa pamilya? (7) Gawas pa sa pagtuon sa Bibliya, unsa pa ang giawhag sa Pulong sa Diyos sa mga ginikanan nga itagana sa ilang mga anak? (8) Sa unsang paagi ang tambag sa Bibliya makatabang sa mga pamilya sa paglahutay sa ekonomikanhong paagi? (9) Kon ipadapat, unsang Kasulatanhong mga prinsipyo ang makatabang sa pagpamenos sa mga suliran sa panglawas? (10) Sa unsang paagi ang mga prinsipyo sa Pulong sa Diyos nagpahinabog hinungdanong kausaban sa imo mismong kinabuhi? (11) Nganong ang pagtan-aw niini nga video mahimong magpadasig sa usa nga imong ginaduaw diha sa ministeryo nga dawaton ang usa ka pagtuon sa Bibliya sa balay?