The Bible—Its Power in Your Life

Ang Bibliya nakatabang sa milyonmilyon sa pagbag-o sa ilang kinabuhi. Unsang mga prinsipyo sa Bibliya, nga kon ipadapat, makatabang sa pagbuntog sa atong mga problema? Malipay ka gayod sa tubag niini pinaagi sa pagtan-aw sa The Bible—Its Power in Your Life, ang ikaduhang serye sa tulo ka video sa DVD nga The Bible—A Book of Fact and Prophecy. Human nimog tan-aw niini, tubaga kining mga pangutanaha.

(1) Nganong ang Bibliya dili lamang usa ka talagsaong basahon? (Heb. 4:12) (2) Kon ang Bibliya makapauswag sa kinabuhi sa mga tawo, nganong daghan man kitag problema? (3) Unsay pangunang tema sa Bibliya? (4) Unsang mga teksto nga gisitar diha sa video ang makatabang sa mga magtiayon sa (a) pagpauswag sa ilang komunikasyon ug (b) pagkontrolar sa ilang kasuko? (5) Sa unsang paagi ang panglantaw sa mga Kristohanon bahin sa kaminyoon makapauswag sa ilang pamilyahanong kinabuhi? (Efe. 5:28, 29) (6) Sa unsang paagi si Jehova nagpakitag hingpit nga panig-ingnan sa mga ginikanan? (Mar. 1:9-11) (7) Unsay himoon sa mga ginikanan aron makapadasig ang ilang pagtuon sa Bibliya ingong pamilya? (8) Gawas sa pagtuon sa Bibliya, unsa pay gidasig sa Pulong sa Diyos nga itagana sa mga ginikanan sa ilang mga anak? (9) Sa unsang paagi ang tambag sa Bibliya makatabang sa mga pamilya sa pagsagubang sa kalisod sa panginabuhi? (10) Unsang mga prinsipyo sa Bibliya bahin sa kahinlo, pag-abuso sa droga ug makahubog nga mga ilimnon, ug stress, nga kon ipadapat, makapakunhod sa mga sakit sa lawas? (11) Unsang mga saad sa Bibliya ang makatabang kanato sa paglahutay? (Job 33:25; Sal. 145:16) (12) Sa unsang paagi nakapauswag sa imong kinabuhi ang mga pagtulon-an sa Bibliya? (13) Unsaon nimo paggamit kini nga video sa pagtabang sa uban?