Kon Unsay Isulti Labot sa mga Magasin

Ang Bantayanang Torre Nob. 15

“Nadungog nato ang pamulong nga ‘Si Jesus nagaluwas’ o ‘Si Jesus namatay alang kanato.’ [Kutloa ang Juan 3:16.] Nahibulong ka ba gayod kon sa unsang paagi ang kamatayon sa usa ka tawo makaluwas kanatong tanan? [Tugoting motubag.] Ang Bibliya naghatag ug yanong tubag. Kining artikuloha, ‘Si Jesus Nagaluwas​—Sa Unsang Paagi?,’ klarong nagpatin-aw niini.”

Pagmata! Nob. 22

“Ang mga tawo ba nagbuhat sa tanan nilang mahimo sa pagpanalipod sa kalikopan? [Tugoting motubag.] Daghan ang nahibulong kon ang delikado nga balanse sa kinabuhi ibabaw sa yuta magpabilin hangtod sa hangtod. Nga mapasalamaton, ang Diyos interesado gayod. [Basaha ang Nehemias 9:6.] Ang Pagmata! naghisgot kon unsang kaugmaon ang anaa alang sa kinabuhi sa yuta.”

Ang Bantayanang Torre Dis. 1

“Karong panahona sa tuig, daghang tawo ang okupado sa pagpanghatag ug gasa ug ubang malulotong mga buhat. Nagpahinumdom kana sa Bulawanong Lagda. [Basaha ang Mateo 7:12.] Nagtuo ka ba nga posible ang pagkinabuhi nianang lagdaa sa tibuok tuig? [Tugoting motubag.] Kining magasina naghatag ug daghang kasayoran maylabot sa ‘Ang Bulawanong Lagda​—Mapuslanon pa ba Gihapon Kini?’”

Pagmata! Dis. 8

“Ang Bibliya nagsaad nga sa umaabot wala nay tawo nga moingon, ‘Ako masakiton.’ [Basaha ang Isaias 33:24.] Uyon nianang saara, kining gulaa sa Pagmata! nagsentro sa pagtagad sa usa ka sakit nga giantos sa milyonmilyong tawo, bata ug tigulang. Kini nag-ulohang ‘Paglaom Alang sa Nag-antos sa Artraytis.’ Segurado akong makaplagan nimo kining mga artikuloha nga matulon-anon.”