Kon Unsay Isulti Labot sa mga Magasin

Ang Bantayanang Torre Nob. 15

“Nahibulong ang uban kon gikinahanglan ba nato ang mga simbahan ug mga templo sa pagsimba sa Diyos. Unsay imong hunahuna? [Tugoting motubag.] Matikdi kon unsay giingon sa Bibliya maylabot niining ulohana. [Basaha ang Buhat 17:24.] Nan, alang sa unsang katuyoan magsilbi gayod ang mga dapit sa pagsimba? Kining magasina naghatag ug Kasulatanhong tubag sa maong pangutana.”

Pagmata! Nob. 22

“Gihunahuna mo ba nga ang siyensiya sa umaabot makapahunong sa sakit ug balatian? [Tugoting motubag.] Kining gulaa sa Pagmata! nagsusi sa pipila ka kauswagan nga nahimo sa siyensiya. Gipakita usab niini kon nganong ang Maglalalang lamang ang may gahom sa pagwagtang sa sakit ug kamatayon.” Basaha ang Salmo 146:3-5, ug itanyag ang mga magasin.

Ang Bantayanang Torre Dis. 1

“Karong mga adlawa, halos tanan gilisdan sa pagpangitag kapanginabuhian. Tinuod usab kana sa mga simbahan, ug ang mga hangyo alang sa salapi nahimong mas subsob. Nakapatugaw ba kana kanimo? [Tugoting motubag. Dayon basaha ang 1 Tesalonica 2:9.] Ang Bantayanang Torre naghisgot kon unsay giingon sa Bibliya bahin niini.”

Pagmata! Dis. 8

“Tungod sa mga hulga sa mga terorista, daghan ang nabalaka kon luwas pa ba ang pagsakay ug ayroplano. Nabalaka ka ba niini? [Tugoting motubag.] Giila sa Bibliya nga ang tanan makaagom ug kaalaotan. [Basaha ang Ecclesiastes 9:11.] Hinunoa, kining gulaa sa Pagmata! naghisgot kon unsaon mo pagpauswag ang imong kahilwasan ug kaharuhay sa dihang mosakay ka ug ayroplano.”