Ang Distrito ug Internasyonal nga mga Kombensiyon Nagpadasig Kanato sa Paghimaya sa Diyos!
Ang “Himayaa ang Diyos” nga Distrito ug Internasyonal nga mga Kombensiyon nakahatag ug dako gayong pamatuod. Kining maong talagsaon nga teokratikanhong mga okasyon nakabayaw sa ngalan ni Jehova ug nakapauswag sa atong katakos nga “ipahinungod kang Jehova ang himaya nga alang sa iyang ngalan.” (Sal. 96:8) Sa pagkatinuod, siya takos nga himayaon tungod sa iyang katingalahang mga buhat sa kalalangan, nga nagbanaag sa iyang kahibulongang mga hiyas.—Job 37:14; Pin. 4:11.
Ginamit ang mosunod nga mga pangutana uban sa imong kaugalingong mga nota, pangandam ug pakig-ambit sa repaso sa programa sa kombensiyon nga himoon sa semana sa Pebrero 23.
1. Sa unsang paagi ang way-kinabuhing kalalangan nagpahayag sa himaya sa Diyos, ug sa unsang paagi kana lahi gikan sa paagi sa mga tawo sa paghimaya kaniya? (Sal. 19:1-3; “Ang Kalalangan Nagpahayag sa Himaya sa Diyos”)
2. Unsang presenteng kamatuoran ang gilandongan sa pagkausab sa dagway, ug sa unsang paagi ang mga Kristohanon karon nadasig tungod sa maong kamatuoran? (Keynote address, “Ang Mahimayaong Matagnaong mga Panan-awon Nagpadasig Kanato!”)
3. Sa unsang paagi atong maugmad ang matang sa pagkamapaubsanon nga gipasundayag sa manalagnang si Daniel, ug sa unsang paagi kita makabenepisyo tungod sa pagbuhat niana? (Dan. 9:2, 5; 10:11, 12; “Ang Himaya ni Jehova Gipadayag Diha sa mga Mapainubsanon”)
4. (a) Unsa ang tulo ka butang bahin sa paghukom sa Diyos ang atong makat-onan gikan sa tagna ni Amos? (Amos 1:3, 11, 13; 9:2-4, 8, 14) (b) Unsang praktikal nga leksiyon ang makat-onan sa mga Saksi ni Jehova karon gikan sa pasidaang panig-ingnan nga makaplagan diha sa Amos 2:12? (“Ang Tagna ni Amos—Ang Mensahe Niini Alang sa Atong Adlaw”)
5. (a) Unsa ang mga kapeligrohan sa di-makasaranganong pag-inom ug alkoholikong mga ilimnon, bisan pag ang usa ka tawo wala mahubog? (b) Sa unsang paagi matul-id ang suliran bahin sa di-makasaranganong pag-inom ug alkoholikong mga ilimnon? (Mar. 9:43; Efe. 5:18; “Likayi ang Lit-ag sa Pag-abuso sa Alkoholikong mga Ilimnon”)
6. Sa unsang paagi ikaw nakabenepisyo gikan sa bag-ong publikasyon nga ‘Tan-awa ang Maayong Yuta’? (“‘Ang Maayong Yuta’—Pasiunang Pagtan-aw sa Paraiso”)
7. Diha sa unsang tulo ka paagi mahimo natong ‘isumbalik-silaw samag mga salamin ang himaya ni Jehova’? (2 Cor. 3:18; “Ginasumbalik-Silaw Samag mga Salamin ang Himaya ni Jehova”)
8. Unsa ang tinubdan sa di-makataronganong pagdumot, ug unsay makatabang kanato sa paghupot sa atong integridad bisan pag nakasugamak sa maong pagdumot? (Sal. 109:1-3; “Gidumtan nga Walay Pasikaranan”)
9. Unsa ang samag-Kristong panghunahuna bahin sa pagkahalangdon, ug sa unsang paagi matino sa usa ka tawo nga kinahanglan niyang ugmaron kining maong panghunahuna nga mas bug-os pa? (Mat. 20:20-26; “Pag-ugmad sa Samag-Kristong Panghunahuna sa Pagkahalangdon”)
10. Unsay makatabang kanato sa pagpabiling lig-on sa espirituwal bisan pa sa pisikal nga kakapoy? (“Gikapoy Apan Wala Maluya”)
11. Unsa ang pipila sa mga instrumento nga gigamit ni Satanas sa pagpalambo sa kabakakan, ug unsa ang haom nga Kasulatanhong sanong sa mga paningkamot sa pagpukan sa atong pagtuo? (Juan 10:5; “Pagbantay sa ‘Tingog sa mga Estranyo’”)
12. (a) Sa unsang paagi masundog sa mga ginikanan ang panig-ingnan ni Jesus sumala sa narekord sa Marcos 10:14, 16? (b) Unsay imong naangayan sa bag-ong libro nga Pagkakat-on Gikan sa Dakong Magtutudlo? (“Ang Atong mga Anak—Usa ka Hamiling Panulondon”)
13. Sa unsang paagi ang mga batan-on nagadayeg kang Jehova? (1 Tim. 4:12; “Kon sa Unsang mga Paagi ang mga Batan-on Nagadayeg Kang Jehova”)
14. Unsang mga esena sa drama nga “Maisogong Nagsangyaw Bisan pa sa Pagsupak” ang imo gayong nahinumdoman?
15. Sa unsang paagi atong masundog ang panig-ingnan nga gipakita (a) nila Pedro ug Juan? (Buh. 4:10) (b) ni Esteban? (Buh. 7:2, 52, 53) (c) sa unang-siglong Kristohanong kongregasyon? (Buh. 9:31; drama ug ang pakigpulong nga “Ipahayag ang Maayong Balita nga ‘Walay Hunong’”)
16. (a) Atong gikauyonan sa paghimaya ang Diyos diha sa unsang mga paagi? (b) Kita gipasaligan sa unsa kon atong ipadapat ang atong nakat-onan diha sa “Himayaa ang Diyos” nga mga Kombensiyon? (Juan 15:9, 10, 16; “‘Magpadayon sa Pagpamungag Daghan’ sa Kahimayaan ni Jehova”)
Pinaagi sa pagpamalandong sa maayong espirituwal nga instruksiyon nga gipresentar didto sa kombensiyon, kita matukmod sa pagpadapat sa mga butang nga atong nakat-onan. (Filip. 4:8, 9) Kini makapalig-on sa atong determinasyon sa ‘paghimo sa tanang butang alang sa kahimayaan sa Diyos.’—1 Cor. 10:31.