Kon Unsay Isulti Labot sa mga Magasin

Ang Bantayanang Torre Sept. 15

“Gilakip sa milyonmilyong tawo kining iladong mga pulong diha sa ilang kaugalingong mga pag-ampo. [Basaha ang Mateo 6:10.] Unsay imong hunahuna kon sama sa unsa ang kinabuhi kon bug-os nang matuman ang kabubut-on sa Diyos dinhi sa yuta? [Tugoting motubag.] Kining magasina nagsusi sa kahulogan sa matag bahin sa Pag-ampo sa Ginoo, lakip na ang bahin nga bag-o lang natong gibasa.”

Pagmata! Sept. 22

“Daghang tawo ang nabalaka bahin sa nagkadakong problema sa mga batan-on​—ang pagpatuyang ug inom. Nakadungog ka na ba niana? [Tugoting motubag. Dayon basaha ang Proverbio 20:1.] Ang pagpatuyang ug inom nagladlad sa mga batan-on sa daghang kapeligrohan. Kining artikuloha adunay impormasyon nga makatabang kanila sa pagsukol sa pagpit-os sa pag-abuso sa alkoholikong ilimnon.”

Ang Bantayanang Torre Okt. 1

“Kitang tanan nangandoy nga makita ang kataposan sa krimen, kapintasan, ug gubat. Nagtuo ka ba nga makita gayod nato kining mga pulonga nga matuman? [Basaha ang Salmo 37:11. Dayon tugoting motubag.] Kining magasina naghisgot kon sa unsang paagi kining saara nalangkit sa orihinal nga katuyoan sa Diyos alang sa mga tawo ug kon sa unsang paagi kita makaambit niana.”

Pagmata! Okt. 8

“Dili ba makapasubo nga matag tuig milyonmilyong di-minyong tin-edyer nga mga babaye ang momabdos? [Tugoting motubag.] Kining magasina naghisgot sa mga lakang nga ilang mahimo aron masagubang ang mga suliran sa tin-edyer nga mga inahan. Gihisgotan usab niini kon sa unsang paagi makatabang ang mga ginikanan sa ilang mga anak nga malikayan kining problemaha sa sinugdan.” Basaha ang 2 Timoteo 3:15.