Kon Unsay Isulti Labot sa mga Magasin

Ang Bantayanang Torre Sept. 15

“Karong adlawa, gibati sa pipila nga sila natanggong diha sa usa ka kaminyoon nga walay gugma. Asa kaha makakaplag ug tabang ang mga tawo nga anaa sa maong kahimtang? [Tugoting motubag.] Ang Bibliya nagpasalig kanato nga ang mga prinsipyo sa Diyos makatabang kanato. [Basaha ang Isaias 48:​17, 18.] Kining gulaa sa Ang Bantayanang Torre naghisgot sa mga prinsipyo sa Bibliya nga makapalig-on sa kaminyoon.”

Pagmata! Sept. 22

“Mahingangha kita sa katakos sa mga mananap sa pagpakigkomunikar. Apan nahibalo ka ba nga diha sa pipila ka bahin talagsaon ang mga tawo? [Tugoting motubag. Dayon basaha ang Salmo 65:2.] Dili sama sa mga mananap, kita gustong makigkomunikar sa Diyos. Kining magasina naghisgot kon sa unsang paagi atong matagamtam ang maayong komunikasyon uban sa mga tawo ug sa Diyos.”

Ang Bantayanang Torre Okt. 1

“Nakapangutana ka na ba sukad, ‘Kon ang Diyos mahigugmaon ug gamhanan sa tanan, nganong wala man niya tabangi ang mga tawong nag-antos?’ [Tugoting motubag.] Sa dili madugay iyang taposon ang tanang problema. [Basaha ang Isaias 65:17.] Sa pagkakaron, ang Diyos dili kay wala magtagad samtang kita nagaantos, sama sa gipatin-aw niining magasina.”

Pagmata! Okt. 8

“Nakadungog ka na ba nga daghang mag-uuma ang nalisdan sa pagpadayon sa pagpanguma alang sa panginabuhi? [Tugoting motubag.] Kining gulaa sa Pagmata! naghisgot niining sulirana maingon man sa saad sa Bibliya bahin sa mas maayong mga panahon sa umaabot. [Basaha ang Salmo 72:16.] Sa akong pagbalik, gusto kong ipatin-aw kon sa unsang paagi tumanon sa Diyos kining butanga.”