Kon Unsay Isulti Bahin sa mga Magasin

Ang Bantayanang Torre Nob. 15

“Daghang tawo nahibulong kon nganong ang mga problema nga nagasakit sa katawhan morag nagkagrabe man hinuon ug wala moarang-arang. Nakapalandong ka na ba kon unsay giingon niining bersikuloha nga maoy hinungdan niini? [Basaha ang Pinadayag 12:9. Dayon patubaga.] Kining magasina naghisgot bahin sa mga paagi sa Yawa sa paglimbong sa katawhan ug kon sa unsang paagi atong masuklan ang iyang impluwensiya.”

Pagmata! Nob. 22

“Bisan pag adunay igong abot sa pagkaon aron mapakaon ang tanang tawo sa yuta, mga 800 ka milyong tawo ang kulang sa pagkaon. Dili ba makapasubo kana? [Patubaga.] Kining magasina naghisgot sa nagkagrabeng suliran sa pagpakaon sa katawhan diha sa mga siyudad. Gihisgotan usab niini ang saad sa Bibliya bahin sa usa ka kalibotan nga wala nay kagutom.” Basaha ang Salmo 72:16a.

Ang Bantayanang Torre Dis. 1

“Sa dihang makadungog ang mga tawo sa pulong ‘Armagedon,’ daghan ang makahunahuna ug makahahadlok nga kalaglagan sa katawhan. [Ipakita ang kahon sa panid 3.] Matingala ka kaha kon imong mahibaloan nga ang Armagedon sa pagkatinuod maoy usa sa labing maayong butang nga atong masinatian? [Patubaga.] Gipatin-aw niining magasina kon ngano.” Basaha ang 2 Pedro 3:13.

Pagmata! Dis. 8

“Buot kong isulti kanimo ang bahin sa usa ka panahon sa dihang ang tanang tawo makabaton nag maanindot nga mga balay nga kapuy-an. Dili ba makapaguol nga daghang tawo karon ang walay mga balay? [Patubaga. Dayon basaha ang Isaias 65:21, 22.] Kining magasina naghisgot sa mga hinungdan kon nganong daghan ang walay mga puy-anan. Gihisgotan usab niini kon sa unsang paagi tumanon sa Diyos ang iyang saad nga bag-o lang natong gibasa.”