Usa ka Panig-ingnan Alang sa Tanang Panahon
Iyang napahimuslan ang mainiton, suod nga relasyon uban sa Diyos. Iyang gideboto ang iyang kinabuhi sa pagbuhat sa kabubut-on ni Jehova. Siya “naglakaw uban sa matuod nga Diyos” ug gigantihan tungod sa pagbuhat niana. Siya mao si Noe, usa ka panig-ingnan nga angayng sundogon sa batag tigulang. (Gen. 6:9) Ang video nga Noah—He Walked With God motabang kanimo sa paghanduraw sa kahimtang sa pagkinabuhi ni Noe, kon nganong siya gigantihan ni Jehova, ug kon sa unsang paagi masundog nimo ang iyang maayong mga hiyas.
Ang DVD nga edisyon sa video nga Noah gilakipan sa mosunod nga “Video Quiz.” Tan-awa ang video, ug unya tigia ang imong kaugalingon: (1) Unsa ang daotang butang nga gibuhat sa pipila ka manulonda, ug kinsa ang mga Nepilim? (Gen. 6:1, 2, 4) (2) Nganong ang katawhan nahimong hilabihan ka daotan, ug unsay gibati sa Diyos bahin niana? (Gen. 6:4-6) (3) Sa unsang paagi lahi si Noe? (Gen. 6:22) (4) Sa unsang paagi gilaglag ang mga daotan? (Gen. 6:17) (5) Unsa ka dako ang arka? (Gen. 6:15) (6) Unsa pay laing gibuhat ni Noe, ug unsay sanong sa katawhan? (Mat. 24:38, 39; 2 Ped. 2:5) (7) Pila ka buok sa matag hayop ang gipasulod sa arka? (Gen. 7:2, 3, 8, 9) (8) Unsa ka dugay ang pag-ulan, ug unsa ka dugay nga gilunopan ang tibuok yuta? (Gen. 7:11, 12; 8:3, 4) (9) Nganong naluwas si Noe ug ang iyang pamilya? (Gen. 6:18, 22; 7:5) (10) Diin mipondo ang arka? (Gen. 8:4) (11) Sa unsang paagi nahibalo si Noe nga dili na peligroso ang paggula sa arka? (Gen. 8:6-12) (12) Unsay gibuhat ni Noe sa iyang paggula? (Gen. 8:20-22) (13) Unsay gihawasan sa balangaw? (Gen. 9:8-16) (14) Unsay kahulogan sa ‘paglakaw uban sa Diyos’? (Gen. 6:9, 22; 7:5) (15) Unsay gikinahanglan aron makita nato si Noe sa Paraiso? (Mat. 28:19, 20; 1 Ped. 2:21)
Unsay gitudlo kanimo sa asoy sa Bibliya bahin sa matinumanon, masinundanon nga si Noe kon bahin sa paagi nga ikaw makahimo usab sa ‘paglakaw uban sa Diyos’ ug pagsalig sa katakos ni Jehova sa pagluwas sa iyang katawhan karon?—Gen. 7:1; Prov. 10:16; Heb. 11:7; 2 Ped. 2:9.