Bag-ong Programa sa Adlaw sa Espesyal nga Asembliya
Ang tema sa programa sa espesyal nga asembliya sa 2008 maoy “Kami ang Yutang-Kulonon—Si Jehova ang Among Magkukulon,” nga gipasukad sa Isaias 64:8. Ang Kasulatanhong tambag nga itagana niini magpauswag sa atong apresasyon sa kaalam, hustisya, gahom, ug gugma sa Dakong Magkukulon.
Ang pakigpulong sa magtatan-aw sa sirkito nga may temang “Pag-alagad Ingong Dungganong mga Sudlanan Diha sa Ministeryo,” magpakita kon sa unsang paagi nagpahimulos ang nagkadaghang tawo tungod sa dagayang panalangin sa pagkakat-on sa kamatuoran ug pagpaambit niana sa uban. Ang pakigpulong nga “Ang Pagpamalandong Makapanalipod Kanimo” magbutyag kon sa unsang paagi makapanalipod kanato ang tim-os nga pagpamalandong sa matarong nga mga prinsipyo sa Diyos. Ang nagaduaw nga mamumulong magpahayag sa mga temang “Ayaw ‘Pagpaumol Niining Sistema sa mga Butang’” ug “Magpaumol sa Dakong Magkukulon.” Ang mga ginikanan ug mga kabataan madasig sa mga pakigpulong nga “Mga Batan-on nga Mapuslanon Alang Kang Jehova” ug “Mahinungdanong Papel sa mga Ginikanan sa Pag-umol sa mga Anak.” Pinaagi sa mga pasundayag ug mga interbiyo, malipay kitang makadungog sa mga kalamposan sa atong mga igsoon diha sa ministeryo. Kadtong nagplano nga magpabawtismo angayng magpahibalo niana sa nagadumalang magtatan-aw sa labing madaling panahon. Paneguroa nga imong madala ang kopya sa Bantayanang Torre nga pagatun-an sa semana sa espesyal nga asembliya.
Ang tanang katuyoan sa Dakong Magkukulon matuman gayod. Apan nagdepende sa matag usa kanato kon sa unsang paagi kita mosanong sa iyang pag-umol. Kadtong maalamong magpasakop sa iyang mga sukdanan ug pagdalisay, mahisamag usa ka minasang yutang kulonon sa hulmahan sa magkukulon, ug kana mahulma, mapasinaw, ug mahimong mapuslanong mga sudlanan. Kon kita magpaumol kang Jehova, mabayaw nato ang iyang pagkasoberano ug madawat nato ang dagayang mga panalangin.