“Moabot Kanamo ang Imong Gingharian”—Ginaampo sa Minilyong Tawo
Nakaampo na ba ka sukad, “Moabot kanamo ang imong Gingharian”? Sulod sa gatosan ka tuig, kining mga pulonga nga apil sa iladong pag-ampo nga Amahan Namo balikbalik nga ginaampo sa minilyong tawo. Ngano? Kay si Jesus nag-ingon sa iyang mga sumusunod nga iampo ang Gingharian sa Diyos.
Sa sinugdan, wala makasabot ang mga sumusunod ni Jesus sa tanan niyang gisulti bahin sa Gingharian. Kas-a nangutana sila kaniya: “Ginoo, ipasig-uli ba nimo ang gingharian sa Israel niining panahona?” Tingali natingala sila dihang si Jesus wala maghatag nila ug direktang tubag. (Buhat 1:6, 7) Nagpasabot ba ni nga dili na ta mahibalo kon unsa ang Gingharian sa Diyos ug kon kanus-a kini moabot? Wala gayod!
Kini nga isyu sa Bantayanang Torre motabang nimo nga mahibalo sa tubag niini nga mga pangutana:
Nganong kinahanglan nato ang Gingharian sa Diyos?
Kinsa ang Hari sa Gingharian sa Diyos?
Kanus-a magmando sa yuta ang Gingharian sa Diyos?
Unsay himoon sa Gingharian sa Diyos?
Nganong angay natong suportahan karon ang Gingharian sa Diyos?
Unsa ang Gingharian sa Diyos?