Ikaw ba Maayong Kauban sa Pagsangyaw?
1. Unsay bentaha kon kita dunay kauban sa pagsangyaw?
1 Dihay higayon nga gisugo ni Jesus ang 70 ka tinun-an sa pagsangyaw nga magtinagurha. (Luc. 10:1) Kini nga kahikayan nakabulig gayod kanila sa pagtabang ug pagdasig sa usag usa samtang nagsangyaw. Sa unsang paagi kita mahimong usa ka maayong kauban sa pagsangyaw?
2. Sa dihang ang imong kauban nagsaysay, nganong angay kitang mamati?
2 Pagpamati: Pamati pag-ayo sa imong kauban samtang siya nagsaysay. (Sant. 1:19) Kon may basahon nga teksto, sundi ang pagbasa diha sa imong Bibliya. Tan-aw sa nagsulti, sa imo tingaling kauban o sa tagbalay. Kon mamati ka pag-ayo sa estorya, ang tagbalay mahimong madasig usab sa pagpamati.
3. Kanus-a kita puwedeng mosagbat?
3 Pagkahibalo Kon Kanus-a Mosulti: Kon ang atong kauban nagsaysay, kita mamati isip pagtahod kaniya. (Roma 12:10) Ayaw pagsagbat. Kon daw malimot siya o kon ang tagbalay mosupak o mopatunghag pangutana ug siya mangayog tabang, atong paningkamotan nga dugangan ang komento sa atong kauban inay mohisgot ug laing ulohan. (Prov. 16:23; Eccl. 3:1, 7) Ang atong isulti kinahanglang makadugang sa pamatuod nga ginahatag.—1 Cor. 14:8.
4. Unsay makadugang sa atong kalipay ug kalamposan sa atong pagsangyaw?
4 Sa dihang nahuman na sa pagsangyaw ang 35 ka paris sa mga tinun-an, sila namauli nga malipayon. (Luc. 10:17) Kita usab magmalipayon ug magmalamposon sa pagsangyaw kon kita mamati ug mahibalo kon kanus-a mosulti sa dihang kita may kauban sa pagsangyaw.