Pangutana

◼ Angay bang mag-ampo kon ang pagtuon sa Bibliya ginahimo diha ra sa pultahan?

Ang pag-ampo una ug human sa pagtuon sa Bibliya daghag kaayohan. Pinaagi sa pag-ampo, mangayo kita kang Jehova sa iyang balaang espiritu aron giyahan ang atong pagtuon. (Luc. 11:13) Pinaagi usab sa pag-ampo masilsil diha sa estudyante nga seryoso ang iyang pagtuon sa Bibliya ug matudloan siya kon unsaon pag-ampo. (Luc. 6:40) Busa, maayo nga ato dayong isugyot sa estudyante nga mag-ampo panahon sa pagtuon. Apan kay lainlain man ang kahimtang, ang magmamantala magmaalamon sa pagdesisyon kon mag-ampo ba siya sa dihang ang pagtuon diha ra sa pultahan.

Ang usa ka hinungdanong butang nga angayng tagdon mao ang lokasyon. Kon dunay gamayng pribasiya, mahimong buksan ug taposon sa mubo ug hinayng pag-ampo ang regular na nga pagtuon. Apan, kon kini makakuha sa atensiyon sa uban o kaha ang estudyante dili komportable, mas maayo nga maghulat hangtod ikapahigayon na ang pagtuon sa mas pribadong lugar. Bisan asa pa himoon ang pagtuon, angayng mogamit ug maayong panghukom kon kanus-a isugyot ang pag-ampo.—Tan-awa ang Abril 2005 nga Atong Ministeryo sa Gingharian, panid 8.