The Wonders of Creation Reveal God’s Glory
Daghan ang malipayng magsud-ong sa kalalangan. Apan diyutay ra ang nakaamgo nga ang kalalangan nagpadayag sa mga hiyas sa atong Dakong Maglalalang. (Roma 1:20) Dugay na kanhi, si David nakakat-on bahin kang Jehova pinaagi sa Iyang inspiradong Pulong. Apan pinaagi sa kalalangan, ‘nakita’ ug nasuod usab ni David si Jehova. (Sal. 8:3, 4) Ang video nga The Wonders of Creation Reveal God’s Glory makatabang kanato, sa atong mga anak, ug sa mga gitun-an sa Bibliya nga masusi ang pipila sa kalalangan ni Jehova, makita ang iyang mga hiyas, ug busa mas masuod kaniya. Human sa pagtan-aw sa video, tubaga kini nga mga pangutana.
(1) Sa unsang paagi ang kadako ug pagkaorganisado sa uniberso magpalalom sa imong pagpabili kang Jehova? (Isa. 40:26) (2) Sa pagsusi nato sa tubig, unsay atong makat-onan bahin sa Usa nga nagdisenyo niini? (Pin. 14:7) (3) Sa unsang paagi ang gidak-on sa yuta ug ang distansiya niini sa adlaw nagpadayag sa kaalam ni Jehova? (4) Unsay katuyoan nga gilalang ang bulan? (Sal. 89:37) (5) Sa unsang paagi gidisenyo ni Jehova ang tawo aron magmalipayon? (6) Unsa ang DNA? (Sal. 139:16) (7) Sa tanang gilalang ni Jehova sa yuta, nganong lahi ang tawo? (Gen. 1:26) (8) Unsay imong gikahinaman sa bag-ong kalibotan?
Extra Features: (9) Diin naggikan ang kolor? (10) Nganong ang tubig makasaka ngadto sa tumoy sa kahoy bisan pa sa grabidad? (11) Unsa ka hinungdanon ang tubig sa atong lawas? (12) Paghatag ug mga pananglitan sa buhing mga linalang nga nakabenepisyo sa usag usa. (13) Nganong dunay panagtambayayongay ang magkalahing mga linalang? (14) Unsa ang “golden angle,” ug sa unsang paagi kini makita diha sa kalalangan?
“Panid-i Pag-ayo” ang Kalalangan ni Jehova: Giawhag kita ni Jesus sa ‘pagpaniid pag-ayo sa mga langgam sa langit’ ug sa ‘pagkuhag pagtulon-an sa mga lirio sa kapatagan.’ (Mat. 6:26, 28) Kini makapalalom sa atong pagtuo, makapalig-on sa atong pagsalig, ug makapadako sa atong pagpabili sa gugma, kaalam, ug katakos ni Jehova sa pagluwas. Inay malinga sa mga kalihokan sa kalibotan, paggahig panahon sa pagpaniid sa kahibulongang kalalangan ni Jehova, ug sa pagpamalandong kon unsay gibutyag niini bahin sa atong Diyos.—Sal. 19:1.