Nakita ba Nimo ang Dili Makitang mga Hiyas sa Diyos?

Kon tan-awon nimo ang bulak nga daghag kolor, ang kalangitan nga daghag bituon, o ang busay nga nagdahunog, imo bang mahunahunaan nga nindot kaayo ang pagkadisenyo sa Diyos niini? Ang kalalangan sa atong palibot klarong nagpadayag sa dili makitang mga hiyas ni Jehova. (Rom 1:20) Kon atong palandongon ang makita sa atong mga mata, atong maapresyar ang gahom, gugma, kaalam, ug hustisya sa Diyos, apil na ang iyang pagkamahinatagon.​—Sal 104:24.

Unsa ang pipila sa nindot nga kalalangan ni Jehova ang imong mamatikdan kada adlaw? Bisag nagpuyo ka sa siyudad, tingali makakita kag mga langgam ug kahoy. Ang pagpaniid pag-ayo sa kalalangan ni Jehova makatabang nga maibanan ang atong kabalaka, makapokus ta sa mas importanteng mga butang, ug mas molig-on ang atong pagtuo nga atimanon gyod ta ni Jehova hangtod sa hangtod. (Mat 6:25-32) Kon naa kay mga anak, tabangi sila nga makita ang dili hitupngang mga hiyas ni Jehova. Samtang modako ang atong apresasyon sa kalalangan sa palibot nato, mas masuod ta sa Diyos nga naghimo niini.​—Sal 8:3, 4.

TAN-AWA ANG VIDEO NGA ANG NINDOT NGA KALALANGAN NAGPADAYAG SA HIMAYA SA DIYOS​—KAHAYAG UG KOLOR, UG DAYON TUBAGA ANG MOSUNOD NGA MGA PANGUTANA:

• Sa unsang paagi ang mga pigment nakatabang nato nga makakitag mga kolor?

• Unsay hinungdan sa iridescence?

• Nganong makakita tag lainlaing kolor sa langit?

• Unsang nindot nga mga kolor sa kalalangan ang imong nakita duol sa imong puy-anan?

• Nganong kinahanglan tang maggahin ug panahon sa pagpaniid pag-ayo sa kalalangan sa Diyos?