Pirme Ka Bang Motan-aw sa Information Board?

Ang mga ansiyano, ministeryal nga alagad, ug ang uban nga dunay mga responsabilidad sa kongregasyon pirmeng motan-aw sa information board kon duna ba silay asaynment. Apan ang tanan dunay mabasa nga importanteng impormasyon diha niana. Nahibalo ka ba kon kanus-a ang inyong turno sa paglimpiyo sa Kingdom Hall? Duna bay importanteng sulat ang circuit overseer o branch office sa inyong kongregasyon? Nahibalo ka ba sa ulohan sa pakigpulong publiko niining semanaha aron maimbitar nimo ang imong Bible study? Duna bay kausaban sa inyong grupo sa pagsangyaw o sa eskedyul sa tigom? Kadaghanan niini nga impormasyon dili na ipahibalo sa tigom, ug dili mausa-usag pahibalo sa mga ansiyano ang tanan. Busa angayng tan-awon nato pirme ang information board. Sa ingon, ang tanang butang mahimo nga “may kahapsay” sumala sa kahikayan.—1 Cor. 14:40.